๔. จตุตฺถนย สงฺคหิเตนสงฺคหิตปทวณฺณนา

[๑๙๑] อิทานิ สงฺคหิเตนสงฺคหิตปทํ ภาเชตุํ สมุทยสจฺเจนาติอาทิ อารทฺธํ. ตตฺถ ยํ ขนฺธาทีหิ สงฺคหิเตน ขนฺธาทิวเสน สงฺคหิตํ, ปุน ตสฺเสว ขนฺธาทีหิ

@๓ ฉ.ม. เอตฺถ ปิ-สทฺโท น ทิสฺสติ สงฺคหํ ปุจฺฉิตฺวา วิสฺสชฺชนํ กตํ, ตํ ขนฺธายตนธาตูสุ เอกมฺปิ สกลโกฏฺฐาสํ คเหตฺวา ฐิตปเทสุ น ยุชฺชติ. สกเลน หิ ขนฺธาทิปเทน อญฺญํ ขนฺธาทิวเสน สงฺคหิตํ นาม นตฺถิ, ยํ อตฺตโน สงฺคาหกํ สงฺคณฺหิตฺวา ปุน เตเนว ขนฺธาทิ- วเสน ๑- สงฺคหํ คจฺเฉยฺย, ตสฺมา ตถารูปานิ ปทานิ อิมสฺมึ วาเร น คหิตานิ. ยานิ ปน ปทานิ สงฺขาเรกเทสํ วา อญฺเญน อสมฺมิสฺสํ ทีเปนฺติ เวทเนกเทสํ วา สุขุมรูปํ วา สจฺเจกเทสํ ๒- วา, ตานิ อิธ คหิตานิ. เตสํ อิทมุทฺทานํ:-