[๒๓๘] สุขินฺทฺริยาทิปเญฺห ตีหีติ สญฺญาสงฺขารวิญฺญาเณหิ. เอกาย ธาตุยาติ กายวิญฺญาณธาตุยา มโนวิญฺญาณธาตุยา จ. ฉหิ ธาตูหีติ กายวิญฺญาณธาตุวชฺชาหิ.

[๒๔๕] รูปภวปเญฺห สพฺเพสมฺปิ อรูปกฺขนฺธานํ อรูปายตนานญฺจ อตฺถิตาย น เกหิจีติ วุตฺตํ. อรูปภวปเญฺห ๑- ฆานชิวฺหากายวิญฺญาณธาตูนํ ปน นตฺถิตาย ตีหิ ธาตูหิ วิปฺปยุตฺโตติ วุตฺตํ.

[๒๕๖] อธิโมกฺขปเญฺห ทฺวีหิ ธาตูหีติ มโนธาตุมโนวิญฺญาณธาตูหิ. ปณฺณรสหีติ เสสาหิ ทสหิ รูปธาตูหิ ปญฺจหิ จ จกฺขุวิญฺญาณาทีหิ.

[๒๕๗] กุสลปเญฺห กุสเลหิ จตุนฺนมฺปิ ขนฺธานํ คหิตตฺตา สมฺปโยโค ปฏิกฺขิตฺโต.