วิญญัตติสีลันติกถา

วิญฺญตฺติ สีลนฺติ ฯ อามนฺตา ฯ ปาณาติปาตา เวรมณีติ ฯ น เหวํ วตฺตพฺเพ ฯเปฯ อทินฺนาทานา เวรมณีติ ฯ น เหวํ วตฺตพฺเพ ฯเปฯ กาเมสุมิจฺฉาจารา เวรมณีติ ฯ น เหวํ วตฺตพฺเพ ฯเปฯ มุสาวาทา เวรมณีติ ฯ น เหวํ วตฺตพฺเพ ฯเปฯ สุราเมรยมชฺชปมาทฏฺฐานา เวรมณีติ ฯ น เหวํ วตฺตพฺเพ ฯเปฯ อภิวาทนํ สีลํ ปจฺจุฏฺฐานํ สีลํ อญฺชลีกมฺมํ สีลํ สามีจิกมฺมํ สีลํ อาสนาภิหาโร สีลํ เสยฺยาภิหาโร สีลํ ปาโททกาภิหาโร สีลํ ปาทกถลิกาภิหาโร สีลํ นฺหาเน ปิฏฺฐิปริกมฺมํ สีลนฺติ ฯ อามนฺตา ฯ ปาณาติปาตา เวรมณีติ ฯ น เหวํ วตฺตพฺเพ ฯเปฯ สุราเมรยมชฺชปมาทฏฺฐานา เวรมณีติ ฯ น เหวํ วตฺตพฺเพ ฯเปฯ

น วตฺตพฺพํ วิญฺญตฺติ สีลนฺติ ฯ อามนฺตา ฯ ทุสฺสีลฺยนฺติ ฯ น เหวํ วตฺตพฺเพ ฯเปฯ เตน หิ วิญฺญตฺติ สีลนฺติ ฯ วิญฺญตฺติ สีลนฺติกถา ฯ ________________ อวิญฺญตฺติ ทุสฺสีลฺยนฺติกถา