กุสลจิตตปฏิลาภกถา

Kappaṭṭho kusalaṃ cittaṃ na paṭilabheyyāti . Āmantā. Kappaṭṭho dānaṃ dadeyyāti . āmantā . hañci kappaṭṭho dānaṃ dadeyya no vata re vattabbe kappaṭṭho kusalaṃ cittaṃ na paṭilabheyyāti.

Kappaṭṭho kusalaṃ cittaṃ na paṭilabheyyāti . Āmantā. Kappaṭṭho cīvaraṃ dadeyya .pe. piṇḍapātaṃ dadeyya .pe. senāsanaṃ dadeyya .pe. gilānapaccayabhesajjaparikkhāraṃ dadeyya khādanīyaṃ dadeyya bhojanīyaṃ dadeyya pānīyaṃ dadeyya cetiyaṃ vandeyya cetiye mālaṃ āropeyya gandhaṃ āropeyya vilepanaṃ āropeyya .pe. Cetiyaṃ abhidakkhiṇaṃ kareyyāti. Āmantā . hañci kappaṭṭho cetiyaṃ abhidakkhiṇaṃ kareyya no vata re vattabbe kappaṭṭho kusalaṃ cittaṃ na paṭilabheyyāti .pe. @Footnote: 1 vi. cu. 2 190.

Kappaṭṭho kusalaṃ cittaṃ paṭilabheyyāti . āmantā . Tato vuṭṭhānaṃ kusalaṃ cittaṃ paṭilabheyyāti . āmantā . rūpāvacaraṃ .pe. arūpāvacaraṃ .pe. lokuttaraṃ kusalaṃ cittaṃ paṭilabheyyāti . Na hevaṃ vattabbe .pe. Kusalacittapaṭilābhakathā --------------