อัทธากถา

๓. อทฺธากถาวณฺณนา

[๗๒๐-๗๒๑] อิทานิ อทฺธากถา นาม โหติ. ตตฺถ "ตีณิมานิ ภิกฺขเว กถาวตฺถูนี"ติ ๑- สุตฺตํ นิสฺสาย กาลสงฺขาโต อทฺธา นาม ปรินิปฺผนฺโน อตฺถีติ เยสํ ลทฺธิ, เตสํ "อทฺธา นาม โกจิ ปรินิปฺผนฺโน นตฺถิ อญฺญตฺร กาลปญฺญตฺติมตฺตา, รูปาทโย ปน ขนฺธา ปรินิปฺผนฺนา"ติ วิภาคํ ทสฺเสตุํ อทฺธา ปรินิปฺผนฺโนติ ปุจฺฉา สกวาทิสฺส, ปฏิญฺญา อิตรสฺส. อถ นํ "สเจ โส ปรินิปฺผนฺโน, รูปาทีสุ อเนน อญฺญตเรน ภวิตพฺพนฺ"ติ โจเทตุํ รูปนฺติอาทิมาห. อิตโร ปฏิกฺขิปติ. เสสํ ยถาปาลิเมว นิยฺยาตีติ.

อทฺธากถาวณฺณนา นิฏฺฐิตา.