สุขานุปปทานกถา

Paro parassa sukhaṃ anuppadetīti . āmantā . paro parassa dukkhaṃ anuppadetīti . na hevaṃ vattabbe .pe. paro parassa dukkhaṃ na anuppadetīti . āmantā . paro parassa sukhaṃ Na anuppadetīti . na hevaṃ vattabbe .pe. paro parassa sukhaṃ anuppadetīti . āmantā . paro parassa attano sukhaṃ anuppadeti aññesaṃ sukhaṃ anuppadeti tassa sukhaṃ anuppadetīti . na hevaṃ vattabbe .pe. paro parassa neva attano na aññesaṃ na tassa sukhaṃ anuppadetīti . āmantā . hañci paro parassa neva attano na aññesaṃ na tassa sukhaṃ anuppadeti no vata re vattabbe paro parassa sukhaṃ anuppadetīti.

Paro parassa sukhaṃ anuppadetīti . āmantā . Añño aññassa kārako parakataṃ sukhadukkhaṃ añño karoti añño paṭisaṃvedetīti. Na hevaṃ vattabbe .pe.

Na vattabbaṃ paro parassa sukhaṃ anuppadetīti . Āmantā . nanu āyasmā udāyī etadavoca bahunnaṃ vata no bhagavā dukkhadhammānaṃ apahattā bahunnaṃ vata no bhagavā sukhadhammānaṃ upahattā bahunnaṃ vata no bhagavā akusalānaṃ dhammānaṃ apahattā bahunnaṃ vata no bhagavā kusalānaṃ dhammānaṃ upahattāti 1- attheva suttantoti. Āmantā. Tena hi paro parassa sukhaṃ anuppadetīti. Sukhānuppadānakathā. @Footnote: 1 Ma. Ma. 185.