ตถตากถา

[๑๗๘๕] สพฺพธมฺมานํ ตถตา อสงฺขตาติ ฯ อามนฺตา ฯ นิพฺพานํ ฯเปฯ อมตนฺติ ฯ น เหวํ วตฺตพฺเพ ฯเปฯ สพฺพธมฺมานํ ตถตา อสงฺขตา นิพฺพานํ อสงฺขตนฺติ ฯ อามนฺตา ฯ เทฺว อสงฺขตานีติ ฯ น เหวํ วตฺตพฺเพ ฯเปฯ เทฺว อสงฺขตานีติ ฯ อามนฺตา ฯ เทฺว ตาณานิ ฯเปฯ อนฺตริกา วาติ ฯ น เหวํ วตฺตพฺเพ ฯเปฯ

[๑๗๘๖] รูปสฺส รูปตา นนุ รูปตา อสงฺขตาติ ฯ อามนฺตา ฯ นิพฺพานํ ฯเปฯ อมตนฺติ ฯ น เหวํ วตฺตพฺเพ ฯเปฯ รูปสฺส รูปตา นนุ รูปตา อสงฺขตา นิพฺพานํ อสงฺขตนฺติ ฯ อามนฺตา ฯ เทฺว อสงฺขตานีติ ฯ น เหวํ วตฺตพฺเพ ฯเปฯ เทฺว อสงฺขตานีติ ฯ อามนฺตา ฯ เทฺว ตาณานิ ฯเปฯ อนฺตริกา วาติ ฯ น เหวํ วตฺตพฺเพ ฯเปฯ เวทนาย เวทนตา นนุ เวทนตา ฯเปฯ สญฺญาย สญฺญตา นนุ สญฺญตา ฯเปฯ สงฺขารานํ สงฺขารตา นนุ สงฺขารตา ฯเปฯ วิญฺญาณสฺส วิญฺญาณตา นนุ วิญฺญาณตา อสงฺขตาติ ฯ อามนฺตา ฯ นิพฺพานํ ฯเปฯ อมตนฺติ ฯ น เหวํ #๑. ม. รูปา. วตฺตพฺเพ ฯเปฯ รูปสฺส รูปตา นนุ รูปตา อสงฺขตา ฯเปฯ วิญฺญาณสฺส วิญฺญาณตา นนุ วิญฺญาณตา อสงฺขตา นิพฺพานํ อสงฺขตนฺติ ฯ อามนฺตา ฯ ฉ อสงฺขตานีติ ฯ น เหวํ วตฺตพฺเพ ฯเปฯ ฉ อสงฺขตานีติ ฯ อามนฺตา ฯ ฉ ตาณานิ ฯเปฯ อนฺตริกา วาติ ฯ น เหวํ วตฺตพฺเพ ฯเปฯ

[๑๗๘๗] น วตฺตพฺพํ สพฺพธมฺมานํ ตถตา อสงฺขตาติ ฯ อามนฺตา ฯ สพฺพธมฺมานํ ตถตา รูปํ ๑ เวทนา สญฺญา สงฺขารา วิญฺญาณนฺติ ฯ น เหวํ วตฺตพฺเพ ฯเปฯ เตน หิ สพฺพธมฺมานํ ตถตา อสงฺขตาติ ฯ ตถตากถา ฯ ______________ กุสลกถา