อวิวิตตกถา

TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Avivittakathā

[1836] Puthujjano tedhātukehi dhammehi avivittoti. Āmantā. Puthujjano tedhātukehi phassehi .pe. tedhātukāhi vedanāhi saññāhi cetanāhi cittehi saddhāhi viriyehi satīhi samādhīhi tedhātukāhi paññāhi avivittoti . na hevaṃ vattabbe .pe. puthujjano tedhātukehi dhammehi avivittoti . āmantā . yasmiṃ khaṇe puthujjano cīvaraṃ deti tasmiṃ khaṇe paṭhamaṃ jhānaṃ upasampajja viharati .pe. ākāsānañcāyatanaṃ upasampajja viharatīti . na hevaṃ vattabbe .pe. yasmiṃ khaṇe puthujjano piṇḍapātaṃ deti .pe. senāsanaṃ deti .pe. gilānapaccayabhesajja- parikkhāraṃ deti tasmiṃ khaṇe catutthaṃ jhānaṃ upasampajja viharati nevasaññānāsaññāyatanaṃ upasampajja viharatīti . na hevaṃ vattabbe .pe.