เอกาธิปปายกถา

๒๓. เตวีสติมวคฺค

๑. เอกาธิปฺปายกถาวณฺณนา

อิทานิ เอกาธิปฺปายกถา นาม โหติ. ตตฺถ การุญฺเญน วา เอเกน อธิปฺปาเยน เอกาธิปฺปาโย, สํสาเร วา เอกโต ภวิสฺสามาติ อิตฺถิยา สทฺธึ พุทฺธปูชาทีนิ กตฺวา ปณิธิวเสน เอโก อธิปฺปาโย อสฺสาติ เอกาธิปฺปาโย, เอวรูโป ทฺวินฺนมฺปิ ชนานํ เอกาธิปฺปาโย เมถุโน ธมฺโม ปฏิเสวิตพฺโพติ เยสํ ลทฺธิ เสยฺยถาปิ อนฺธกานญฺเจว เวตุลฺลกานญฺจ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ ยถาปาลิเมว นิยฺยาตีติ.

เอกาธิปฺปายกถาวณฺณนา นิฏฺฐิตา.