อสัญญกถา

๑๑. อสญฺญกถาวณฺณนา

อิทานิ อสญฺญกถา นาม โหติ. ตตฺถ เยสํ "สงฺขารปจฺจยา วิญฺญาณนฺ"ติ วจนโต วินา วิญฺญาเณน ปฏิสนฺธิ นาม นตฺถิ. "สญฺญุปฺปาทา จ ปน เต เทวา ตมฺหา กายา ปวตฺตนฺตี"ติ ๑- วจนโต อสญฺญสตฺตานมฺปิ จุติปฏิสนฺธิกฺขเณ สญฺญา อตฺถีติ ลทฺธิ เสยฺยถาปิ เอตรหิ อนฺธกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส. ตโต นํ สกวาที "กินฺเต ตํ ฐานํ สญฺญาภโว"ติอาทีหิ โจเทตุํ สญฺญาภโว สญฺญาคตีติอาทิมาห. ตํ สพฺพํ ตโต ปรญฺจ ปาลินเยเนว เวทิตพฺพนฺติ.

อสญฺญกถาวณฺณนา นิฏฺฐิตา.