อารุปปกถา

TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Āruppakathā

[1096] Ākāsānañcāyatanaṃ asaṅkhatanti . āmantā . Nibbānaṃ @Footnote: 1 khu. pa. 351. Tāṇaṃ leṇaṃ saraṇaṃ parāyanaṃ accutaṃ amatanti . na hevaṃ vattabbe .pe. ākāsānañcāyatanaṃ asaṅkhataṃ nibbānaṃ asaṅkhatanti . Āmantā . dve asaṅkhatānīti . na hevaṃ vattabbe .pe. dve asaṅkhatānīti . āmantā . dve tāṇāni .pe. antarikā vāti. Na hevaṃ vattabbe .pe. ākāsānañcāyatanaṃ asaṅkhatanti . Āmantā . ākāsānañcāyatanaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti . āmantā . asaṅkhataṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti . Na hevaṃ vattabbe .pe. atthi ākāsānañcāyanūpagaṃ kammanti . Āmantā . atthi asaṅkhatūpagaṃ kammanti . na hevaṃ vattabbe .pe. Atthi ākāsānañcāyatanūpagā sattāti . āmantā . atthi asaṅkhatūpagā sattāti. Na hevaṃ vattabbe .pe.