๓. กามคุณกถาวณฺณนา

[๕๑๐] อิทานิ กามคุณกถา นาม โหติ. ตตฺถ สกสมเย ตาว กามธาตูติ วตฺถุกามาปิ วุจฺจนฺติ กิเลสกามาปิ กามภโวปิ. เอเตสุ หิ วตฺถุกามา กมนียฏฺเฐน กามา, สภาวนิสฺสตฺตสุญฺญตฏฺเฐน ธาตูติ กามธาตุ. กิเลสกามา กมนียฏฺเฐน

@๔ ฉ.ม. ปุน ๕ ฉ.ม. ปฏิโลเม เจว กมนฏฺเฐน จ กามา, ยถาวุตฺเตเนวตฺเถน ธาตูติ กามธาตุ. กามภโว กมนียฏฺเฐน กมนฏฺเฐน วตฺถุกามปวตฺติเทสฏฺเฐนาติ ตีหิ การเณหิ กาโม, ยถาวุตฺเตเนวตฺเถน ธาตูติ กามธาตุ. ปรสมเย ปน "ปญฺจิเม ภิกฺขเว กามคุณา"ติ วจนมตฺตํ นิสฺสาย ปญฺเจว กามคุณา กามธาตูติ คหิตํ, ตสฺมา เยสํ อยํ ลทฺธิ เสยฺยถาปิ เอตรหิ ปุพฺพเสลิยานํ, เต สนฺธาย กามธาตุนานตฺตํ โจเทตุํ ๑- ปญฺเจวาติ ปุจฺฉา สกวาทิสฺส, ลทฺธิวเสน ปฏิญฺญา อิตรสฺส. นนุ อตฺถีติอาทีนิ ๒- กิเลสกามทสฺสนตฺถํ วุตฺตานิ. ๓- ตตฺถ ตปฺปฏิสํยุตฺโตติ กามคุณปฏิสํยุตฺโต, กามคุณารมฺมโณติ อตฺโถ. โน จ วต เร วตฺตพฺเพ ปญฺเจวาติ อิเมสุ ตปฺปฏิสํยุตฺตจฺฉนฺทาทีสุ สติ ปญฺเจว กามคุณา กามธาตูติ น วตฺตพฺพํ. เอเตปิ หิ ฉนฺทาทโย กมนียฏฺเฐน กามา จ ธาตู จาติปิ กามธาตุ, กมนฏฺเฐน กามสงฺขาตา ธาตูติปิ กามธาตูติ อตฺโถ.