จตูหิ ญาเณหีติ ทุกฺเข ญาณาทีหิ. อฏฺฐหิ ญาเณหีติ สาวกานํ สาธารเณหิ สจฺจญาเณหิ เจว ปฏิสมฺภิทาญาเณหิ จ. ทฺวาทสหิ ญาเณหีติ ทฺวาทสงฺคปฏิจฺจ- สมุปฺปาทญาเณหิ. จตุจตฺตาลีสาย ญาเณหีติ "ชรามรเณ ญาณํ, ชรามรณสมุทเย ญาณนฺ"ติ เอวํ นิทานวคฺเค วุตฺตญาเณหิ. สตฺตสตฺตติยา ญาเณหีติ "ชรามรณํ ภิกฺขเว อนิจฺจํ สงฺขตํ ปฏิจฺจสมุปฺปนฺนํ ขยธมฺมํ วยธมฺมํ วิราคธมฺมํ นิโรธธมฺมนฺ"ติ ๑- เอวํ ตตฺเถว วุตฺตญาเณหิ. เสสเมตฺถ ปาลินเยเนว เวทิตพฺพํ สทฺธึ สุตฺตสาธเนนาติ.

อนุปุพฺพาภิสมยกถาวณฺณนา นิฏฺฐิตา.