๘. อนาคตญาณกถาวณฺณนา

[๔๓๙-๔๔๐] อิทานิ อนาคตญาณกถา นาม โหติ. ตตฺถ อนาคตํ นาม อนฺตรมฺปิ อตฺถิ อนนฺตรมฺปิ. เตสุ อนนฺตเร เอกนฺเตเนว ญาณํ นตฺถิ. ยถา จ อนนฺตเร, ตถา เอกวีถิเอกชวนปริยาปนฺเนปิ. ตตฺถ เย สพฺพสฺมิมฺปิ อนาคตญาณํ อิจฺฉนฺติ เสยฺยถาปิ อนฺธกานํ, ๒- เต สนฺธาย ปุจฺฉา สกวาทิสฺส, ปฏิญฺญา อิตรสฺส. อถ นํ "ยนฺเต อนาคเต ญาณํ, กินฺเตน อนนฺตรานาคตํ มูลาทิวเสน ชานาตี"ติ โจเทตุํ อนาคตํ มูลโตติอาทิมาห. ตตฺถ มูลโตติอาทีนิ สพฺพานิ การณเววจนาเนว.

อนาคตญาณกถาวณฺณนา นิฏฺฐิตา.