๑๒. ทฺวาทสมวคฺค

๑. สํวโรกมฺมนฺติกถาวณฺณนา

[๖๓๐-๖๓๒] อิทานิ สํวโร กมฺมนฺติกถา นาม โหติ. ตตฺถ "จกฺขุนา รูปํ ทิสฺวา นิมิตฺตคฺคาหี โหติ น นิมิตฺตคฺคาหี โหตี"ติ สุตฺตํ นิสฺสาย "สํวโรปิ อสํวโรปิ กมฺมนฺ"ติ เยสํ ลทฺธิ เสยฺยถาปิ มหาสํฆิกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส.

อถ นํ ยา สกสมเย เจตนา "กมฺมนฺ"ติ วุตฺตา ยถา สา กายวจีมโนทฺวาเรสุ ปวตฺตมานา กายกมฺมาทินามํ ลภติ, ตถา "ยทิ เต สํวโร กมฺมํ, โสปิ