สังวโรกัมมันติกถา

๑๒. ทฺวาทสมวคฺค

๑. สํวโรกมฺมนฺติกถาวณฺณนา

[๖๓๐-๖๓๒] อิทานิ สํวโร กมฺมนฺติกถา นาม โหติ. ตตฺถ "จกฺขุนา รูปํ ทิสฺวา นิมิตฺตคฺคาหี โหติ น นิมิตฺตคฺคาหี โหตี"ติ สุตฺตํ นิสฺสาย "สํวโรปิ อสํวโรปิ กมฺมนฺ"ติ เยสํ ลทฺธิ เสยฺยถาปิ มหาสํฆิกานํ, เต สนฺธาย ปุจฺฉา สกวาทิสฺส, ปฏิญฺญา อิตรสฺส.

อถ นํ ยา สกสมเย เจตนา "กมฺมนฺ"ติ วุตฺตา ยถา สา กายวจีมโนทฺวาเรสุ ปวตฺตมานา กายกมฺมาทินามํ ลภติ, ตถา "ยทิ เต สํวโร กมฺมํ, โสปิ

@เชิงอรรถ: ๑ ฉ.ม. เวทิตพฺโพ จกฺขุนฺทฺริยาทีสุ ปวตฺตมาโน จกฺขุกมฺมาทินามํ ลเภยฺยา"ติ โจเทตุํ จกฺขุนฺทฺริย- สํวโร จกฺขุกมฺมนฺติอาทิมาห. อิตโร ตาทิสํ สุตฺตปทํ อปสฺสนฺโต จตูสุ ทฺวาเรสุ ปฏิกฺขิปิตฺวา ปญฺจเม กายทฺวาเร ปสาทกายํ สนฺธาย ปฏิกฺขิปติ, วิญฺญตฺติกายํ สนฺธาย ปฏิชานาติ. โส หิ ปสาทกายมฺปิ วิญฺญตฺติกายมฺปิ กายินฺทฺริยนฺเตฺวว อิจฺฉติ. มโนทฺวาเร วิปากทฺวารํ สนฺธาย ปฏิกฺขิปติ, กมฺมทฺวารํ สนฺธาย ปฏิชานาติ. อสํวเรปิ เอเสว นโย. "จกฺขุนา รูปํ ทิสฺวา"ติ สุตฺตํ เตสุ ทฺวาเรสุ สํวราสํวรเมว ทีเปติ, น ตสฺส กมฺมภาวํ, ตสฺมา อสาธกนฺติ.

สํวโรกมฺมนฺติกถาวณฺณนา นิฏฺฐิตา.