สุทธขันธวาร ๒

รูปํ ขนฺโธติ: อามนฺตา ฯ ขนฺธา รูปกฺขนฺโธติ ๑ ฯ รูปกฺขนฺโธ ขนฺโธ เจว รูปกฺขนฺโธ จ อวเสสา ขนฺธา ขนฺธา น รูปกฺขนฺโธ ฯ

เวทนา ขนฺโธติ: อามนฺตา ฯ ขนฺธา เวทนากฺขนฺโธติ: #๑ ขนฺธา รูปนฺติ ปุจฺฉิตพฺเพ ยสฺมา รูปนฺติ วจเนน รูปกฺขนฺโธว #อธิปฺเปโต ตสฺมา วจนํ อนาทิยิตฺวา อตฺถวเสน ปุจฺฉนฺโต ขนฺธา #รูปกฺขนฺโธติ อาหาติ อฏฺฐกถา ฯ เวทนากฺขนฺโธ ขนฺโธ เจว เวทนากฺขนฺโธ จ อวเสสา ขนฺธา ขนฺธา น เวทนากฺขนฺโธ ฯ

สญฺญา ขนฺโธติ: อามนฺตา ฯ ขนฺธา สญฺญากฺขนฺโธติ: สญฺญากฺขนฺโธ ขนฺโธ เจว สญฺญากฺขนฺโธ จ อวเสสา ขนฺธา ขนฺธา น สญฺญากฺขนฺโธ ฯ

สงฺขารา ขนฺโธติ: อามนฺตา ฯ ขนฺธา สงฺขารกฺขนฺโธติ: สงฺขารกฺขนฺโธ ขนฺโธ เจว สงฺขารกฺขนฺโธ จ อวเสสา ขนฺธา ขนฺธา น สงฺขารกฺขนฺโธ ฯ

วิญฺญาณํ ขนฺโธติ: อามนฺตา ฯ ขนฺธา วิญฺญาณกฺขนฺโธติ: วิญฺญาณกฺขนฺโธ ขนฺโธ เจว วิญฺญาณกฺขนฺโธ จ อวเสสา ขนฺธา ขนฺธา น วิญฺญาณกฺขนฺโธ ฯ

น รูปํ น ขนฺโธติ: รูปํ ฐเปตฺวา อวเสสา ขนฺธา น รูปํ ขนฺธา รูปญฺจ ขนฺเธ จ ฐเปตฺวา อวเสสา น เจว รูปํ น จ ขนฺธา ฯ น ขนฺธา น รูปกฺขนฺโธติ: อามนฺตา ฯ

น เวทนา น ขนฺโธติ: เวทนํ ฐเปตฺวา อวเสสา ขนฺธา น เวทนา ขนฺธา เวทนญฺจ ขนฺเธ จ ฐเปตฺวา อวเสสา น เจว เวทนา น จ ขนฺธา ฯ น ขนฺธา น เวทนากฺขนฺโธติ: อามนฺตา ฯ

น สญฺญา น ขนฺโธติ: สญฺญํ ฐเปตฺวา อวเสสา ขนฺธา น สญฺญา ขนฺธา สญฺญญฺจ ขนฺเธ จ ฐเปตฺวา อวเสสา น เจว สญฺญา น จ ขนฺธา ฯ น ขนฺธา น สญฺญากฺขนฺโธติ: อามนฺตา ฯ

น สงฺขารา น ขนฺโธติ: สงฺขาเร ฐเปตฺวา อวเสสา ขนฺธา น สงฺขารา ขนฺธา สงฺขาเร จ ขนฺเธ จ ฐเปตฺวา อวเสสา น เจว สงฺขารา น จ ขนฺธา ฯ น ขนฺธา น สงฺขารกฺขนฺโธติ: อามนฺตา ฯ

น วิญฺญาณํ น ขนฺโธติ: วิญฺญาณํ ฐเปตฺวา อวเสสา ขนฺธา น วิญฺญาณํ ขนฺธา วิญฺญาณญฺจ ขนฺเธ จ ฐเปตฺวา อวเสสา น เจว วิญฺญาณํ น จ ขนฺธา ฯ น ขนฺธา น วิญฺญาณกฺขนฺโธติ: อามนฺตา ฯ ________________