{๖๓} อปุตฺตกตายาติอาทีสุ เยสํ ปุตฺตา ปพฺพชนฺติ เตสํ อปุตฺตกตาย ฯ ยาสํ ปติโน ปพฺพชนฺติ ตาสํ เวธพฺยาย วิธวภาวาย ฯ อุภเยนาปิ กุลุปจฺเฉทาย ฯ สญฺชยานีติ สญฺชยสฺส อนฺเตวาสิกานิ ฯ มาคธานํ คิริพฺพชนฺติ มาคธานํ ชนปทสฺส คิริพฺพชํ นครํ ฯ มหาวีราติ มหาวิริยวนฺตา ฯ นียมานานนฺติ นียมาเนสุ ฯ ภุมฺมตฺเถ สามิวจนํ อุปโยคตฺเถ วา ฯ กา อุสฺสูยา วิชานตนฺติ ธมฺเมน นยนฺตีติ เอวํ วิชานนฺตานํ กา อุสฺสูยา ฯ