{๑๐๐} อหิวาตกโรเคนาติ มารพฺยาธินา ฯ ยตฺร หิ โส โรโค อุปฺปชฺชติ ตํ กุลํ สทฺวิปทจตุปฺปทํ สพฺพํ นสฺสติ ฯ โย ภิตฺตึ วา ฉทนํ วา ภินฺทิตฺวา ปลายติ ติโรคามาทิคโต วา โหติ โส มุจฺจติ ฯ ตถา เจตฺถ ปิตาปุตฺตา มุจฺจึสุ ฯ เตน วุตฺตํ ปิตาปุตฺตกา เสสา โหนฺตีติ ฯ กากุฑฺเฑปกนฺติ โย วามหตฺเถน เลฑฺฑุํ คเหตฺวา นิสินฺโน สกฺโกติ อาคตาคเต กาเก อุฑฺฑาเปตฺวา ปุรโต นิกฺขิตฺตํ ภตฺตํ ภุญฺชิตุํ อยํ กากุฑฺเฑปโก นาม ตํ ปพฺพาเชตุํ วฏฺฏติ ฯ