{๑๓๖} เทวสิกนฺติ ทิวเส ทิวเส ฯ จาตุทฺทเส วา ปณฺณรเส วาติ เอกสฺส อุตุโน ตติเย จ สตฺตเม จ ปกฺเข ทฺวิกฺขตฺตุํ จาตุทฺทเส อวเสเส ฉกฺขตฺตุํ ปณฺณรเส ฯ อยนฺตาว เอโก อตฺโถ ฯ อยมฺปน ปกติจาริตฺตวเสน วุตฺโต ฯ สกึ ปกฺขสฺส จาตุทฺทเส วา ปณฺณรเส วาติ วจนโต ปน ตถารูเป ปจฺจเย สติ ยสฺมึ ตสฺมึ จาตุทฺทเส วา ปณฺณรเส วา อุทฺทิสิตุํ วฏฺฏติ ฯ อาวาสิกานํ ภิกฺขูนํ จาตุทฺทโส โหติ อาคนฺตุกานํ ภิกฺขูนํ ปณฺณรโส ฯ สเจ อาวาสิกา พหุตรา โหนฺติ อาคนฺตุเกหิ อาวาสิกานํ อนุวตฺติตพฺพนฺติ วจนโตปิ เจตํ เวทิตพฺพํ ฯ