ปตฺตกลฺลนฺติ วุจฺจติ

อิมานิ จตฺตาริ ปตฺตกลฺลนฺติ อกฺขาตานิ ฯ เตหิ สทฺธินฺติ เตหิ อาคเตหิ สทฺธึ เอตานิ ปุพฺพกรณาทีนิ กตฺวา อุโปสโถ กาตพฺโพ ฯ อชฺช เม อุโปสโถติ เอตฺถ สเจ ปณฺณรโส โหติ อชฺช เม อุโปสโถ ปณฺณรโสติปิ อธิฏฺฐาตุํ วฏฺฏติ ฯ จาตุทฺทสิเกปิ เอเสว นโย ฯ

{๑๖๙} ภควตา ปญฺญตฺตํ น สาปตฺติเกน อุโปสโถ กาตพฺโพติ อิทํ ยสฺส สิยา อาปตฺตีติอาทิวจเนน จ ปาริสุทฺธิทานปญฺญาปเนน จ ปาริสุทฺธิอุโปสถปญฺญาปเนน จ ปญฺญตฺตํ โหตีติ เวทิตพฺพํ ฯ