vācāgiraṃ no ca pare bhaṇeyya

āpajjeyya vācasikaṃ na kāyikaṃ

pañhā mesā kusalehi cintitāti.

Antarāyikoti antarāyakaro. Kissa phāsu hotīti kimatthāya phāsu hoti. Paṭhamassa jhānassa adhigamāyāti paṭhamassa jhānassa adhigamatthāya tassa bhikkhuno phāsu hoti sukhaṃ hoti. Esa nayo sabbattha. Iti bhagavā uddesato ca niddesato ca paṭhamaṃ pāṭimokkhuddesaṃ dassesi.