TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)

[168] Tena kho pana samayena chabbaggiyā bhikkhū saṅghamajjhe anajjhiṭṭhā dhammaṃ bhāsanti . bhagavato etamatthaṃ ārocesuṃ . Na bhikkhave saṅghamajjhe anajjhiṭṭhena dhammo bhāsitabbo yo bhāseyya āpatti dukkaṭassa . anujānāmi bhikkhave therena bhikkhunā sāmaṃ vā dhammaṃ bhāsituṃ paraṃ vā ajjhesitunti.