ปฏิจจวาร

๔. อุปาทินฺนตฺติกวณฺณนา

อุปาทินฺนุปาทานิยตฺติกสฺส ปญฺหาวาเร วตฺถุ อุปาทานิยานํ ขนฺธานํ ปุเรชาตปจฺจเยน ปจฺจโยติ ปวตฺตึ สนฺธาย วุตฺตํ. ปฏิสนฺธิยมฺปน ตํ ปุเรชาตํ น โหติ.

อุปาทินฺนุปาทานิโย กพฬิงฺการาหาโร อุปาทินฺนุปาทานิยสฺส กายสฺส อาหารปจฺจเยน ปจฺจโยติ เอตฺถ อุปาทินฺนุปาทานิโย กพฬิงฺการาหาโร

@เชิงอรรถ: ๑ ฉ.ม. ปุเรชาตปจฺฉาชาตวิปฺปยุตฺตวเสนาติ

@๒-๒ ฉ.ม. เหตุมูลกาทีสุ ลพฺภมานวารคณนา อลพฺภมานานํ อลพฺภมานตาติ

@๓ ฉ.ม. วุตฺตนเยเนว นาม กมฺมสมุฏฺฐานานํ รูปานํ อพฺภนฺตเร คตา โอชา. อุปาทินฺนุปาทานิยสฺส กายสฺสาติ ตสฺเสว กมฺมสมุฏฺฐานรูปกายสฺส อาหารปจฺจเยน ปจฺจโย. รูปชีวิตินฺทฺริยํ วิย กฏตฺตารูปานํ อนุปาลนอุปตฺถมฺภนวเสน ปจฺจโย, น ชนกวเสน. ยมฺปน มณฺฑูกาทโย คิลิตฺวา ฐิตานํ อหิอาทีนํ กายสฺส ชีวมานมณฺฑูกาทิสรีเร โอชา อาหารปจฺจเยน ปจฺจโยติ วทนฺติ, ตํ น คเหตพฺพํ. น หิ ชีวมานกสรีเร โอชา อญฺญสฺส สรีรสฺส อาหารปจฺจยตํ สาเธติ. อนุปาทินฺนุปาทานิยสฺส กายสฺสาติ เอตฺถ ปน ชนกวเสนาปิ ลพฺภติ. อุปาทินฺนุปาทานิยสฺส จ อนุปาทินฺนุปาทานิยสฺส จาติ เอตฺถ เอกสฺส อุปตฺถมฺภกวเสน, เอกสฺส ชนกวเสน, อุภินฺนมฺปิ วา อุปตฺถมฺภกวเสเนว วุตฺโต. เทฺว ปน อาหารา เอกโต ปจฺจยา โหนฺตา อุปตฺถมฺภกาว โหนฺติ, น ชนกา. เสสเมตฺถ ปาลิเมว สาธุกํ โอโลเกตฺวา เวทิตพฺพํ.

อุปาทินฺนตฺติกวณฺณนา นิฏฺฐิตา.