๑๕. อาหารปจฺจยนิทฺเทสวณฺณนา

[๑๕] อาหารปจฺจยนิทฺเทเส กพฬิงฺกาโร อาหาโรติ จตุสนฺตติสมุฏฺฐาเน รูเป โอชา อาหาโร นาม. โส ปน ยสฺมา กพฬํ กตฺวา อชฺโฌหริโตว

@๓ ฉ.ม. สมฺปยุตฺตกฺขนฺธานญฺเญว อาหารกิจฺจํ กโรติ, น พหิฏฺฐิโต, ตสฺมา อาหาโรติ อวตฺวา "กพฬิงฺกาโร อาหาโร"ติ วุตฺตํ. กพฬํ กริตฺวา อชฺโฌหริตพฺพวตฺถุกตฺตา วา กพฬิงฺกาโรติ นามมตฺตเมเวตํ ๑- ตสฺส. อรูปิโน อาหาราติ ผสฺสเจตนาวิญฺญาณาหารา. ตํสมุฏฺฐานานนฺติ อิธาปิ กมฺมสมุฏฺฐานานิ คหิตาเนว. วุตฺตเญฺหตํ ปญฺหาวาเร:- ปฏิสนฺธิกฺขเณ วิปากาพฺยากตา อาหารา สมฺปยุตฺตกานํ ขนฺธานํ กฏตฺตา จ รูปานํ อาหารปจฺจเยน ปจฺจโยติ. อยํ ตาเวตฺถ ปาลิวณฺณนา.