Etesu pana chasu vāresu atthi koci paccayo ekantaṃ anulomato na tiṭṭhati, paccanīkatova tiṭṭhati, atthi ekantaṃ paccanīkato na tiṭṭhati, anulomatova tiṭṭhati, atthi anekantaṃ anulomato ceva tiṭṭhati, paccanīkato cāti idaṃ pakiṇṇakaṃ veditabbaṃ. Tattha paṭhamo pañho pacchājātassa, dutiyo pañho mahācatukkassa, tatiyo yujjamānakānaṃ sesānaṃ vasena veditabbo.

@3 Sī.,Ma. ayaṃ sampayuttaṭṭho nāma asaṃsaṭṭhaṃ 4 cha.Ma. ayaṃ pāṭho na dissati

@5 cha.Ma. ekuppādalakkhaṇassa 6 cha.Ma. veditabbātīti pāṭho na dissati