สังสัฏฐวาร

Dassanenapahātabbaṃ dhammaṃ saṃsaṭṭho dassanenapahātabbo dhammo uppajjati hetupaccayā dassanenapahātabbaṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā dve khandhā.

Bhāvanāyapahātabbaṃ dhammaṃ saṃsaṭṭho bhāvanāyapahātabbo dhammo uppajjati hetupaccayā bhāvanāyapahātabbaṃ ekaṃ khandhaṃ saṃsaṭṭhā.

Nevadassanenanabhāvanāyapahātabbaṃ dhammaṃ saṃsaṭṭho Nevadassanenanabhāvanāyapahātabbo dhammo ... nevadassanena- nabhāvanāyapahātabbaṃ ekaṃ khandhaṃ saṃsaṭṭhā tayo khandhā .pe. Paṭisandhikkhaṇe nevadassanenanabhāvanāyapahātabbaṃ ekaṃ khandhaṃ saṃsaṭṭhā.

Dassanenapahātabbaṃ dhammaṃ saṃsaṭṭho dassanenapahātabbo dhammo uppajjati ārammaṇapaccayā . sabbāni padāni vitthāretabbāni tīṇi tīṇi.

Hetuyā tīṇi ārammaṇe tīṇi adhipatiyā tīṇi anantare tīṇi samanantare tīṇi sahajāte tīṇi aññamaññe tīṇi nissaye tīṇi upanissaye tīṇi purejāte tīṇi āsevane tīṇi vipāke ekaṃ āhāre tīṇi indriye tīṇi jhāne tīṇi magge tīṇi sampayutte tīṇi vippayutte tīṇi atthiyā tīṇi natthiyā tīṇi vigate tīṇi avigate tīṇi. Anulomaṃ.

Dassanenapahātabbaṃ dhammaṃ saṃsaṭṭho dassanenapahātabbo dhammo uppajjati nahetupaccayā vicikicchāsahagate khandhe saṃsaṭṭho vicikicchāsahagato moho.

Bhāvanāyapahātabbaṃ dhammaṃ saṃsaṭṭho bhāvanāyapahātabbo dhammo uppajjati nahetupaccayā uddhaccasahagate khandhe saṃsaṭṭho uddhaccasahagato moho.

Nevadassanenanabhāvanāyapahātabbaṃ dhammaṃ saṃsaṭṭho Nevadassanenanabhāvanāyapahātabbo dhammo uppajjati nahetupaccayā ahetukaṃ nevadassanenanabhāvanāyapahātabbaṃ ekaṃ khandhaṃ saṃsaṭṭhā tayo khandhā ahetukapaṭisandhikkhaṇe ....

Dassanenapahātabbaṃ dhammaṃ saṃsaṭṭho dassanenapahātabbo dhammo uppajjati naadhipatipaccayā napurejātapaccayā napacchājātapaccayā naāsevanapaccayā nakammapaccayā navipākapaccayā . Nevadassanenanabhāvanāya .pe. najhānapaccayā pañcaviññāṇaṃ . ... Namaggapaccayā ahetukaṃ. ... Nevadassanenanabhāvanāyapahātabbo dhammo .pe. navippayuttapaccayā tīṇi.

Nahetuyā tīṇi naadhipatiyā tīṇi napurejāte tīṇi napacchājāte tīṇi naāsevane tīṇi nakamme tīṇi navipāke tīṇi najhāne ekaṃ namagge ekaṃ navippayutte tīṇi. Paccanīyaṃ.

Hetupaccayā naadhipatiyā tīṇi ... napurejāte tīṇi napacchājāte tīṇi naāsevane tīṇi nakamme tīṇi navipāke tīṇi navippayutte tīṇi. Anulomapaccanīyaṃ.

Nahetupaccayā ārammaṇe tīṇi ... Anantare tīṇi samanantare tīṇi sahajāte tīṇi aññamaññe tīṇi nissaye tīṇi upanissaye tīṇi purejāte tīṇi āsevane tīṇi kamme tīṇi vipāke ekaṃ āhāre tīṇi Indriye tīṇi jhāne tīṇi magge dve sampayutte tīṇi vippayutte tīṇi atthiyā tīṇi natthiyā tīṇi vigate tīṇi avigate tīṇi. Paccanīyānulomaṃ. Saṃsaṭṭhavāro niṭṭhito.