ปฏิจจวาร

Hīnaṃ dhammaṃ paṭicca hīno dhammo uppajjati hetupaccayā hīnaṃ ekaṃ khandhaṃ paṭicca tayo khandhā dve khandhe paṭicca dve khandhā. Hīnaṃ dhammaṃ paṭicca majjhimo dhammo uppajjati hetupaccayā hīne khandhe paṭicca cittasamuṭṭhānaṃ rūpaṃ . hīnaṃ dhammaṃ paṭicca hīno ca majjhimo ca dhammā uppajjanti hetupaccayā hīnaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ....

Majjhimaṃ dhammaṃ paṭicca majjhimo dhammo ... majjhimaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... Paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ ... mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ.

Paṇītaṃ dhammaṃ paṭicca paṇīto dhammo uppajjati hetupaccayā tīṇi.

Majjhimañca paṇītañca dhammaṃ paṭicca majjhimo dhammo ... Hetupaccayā paṇīte khandhe ca mahābhūte ca paṭicca cittasamuṭṭhānaṃ rūpaṃ.

Hīnañca majjhimañca dhammaṃ paṭicca majjhimo dhammo ... Hetupaccayā hīne khandhe ca mahābhūte ca paṭicca cittasamuṭṭhānaṃ rūpaṃ. Hīnattikaṃ saṅkiliṭṭhattikasadisaṃ vitthāretabbaṃ. Paripuṇṇaṃ. Hīnattikaṃ cuddasamaṃ niṭṭhitaṃ --------