ปฏิจจวาร

มิจฺฉตฺตตฺติเก มิจฺฉตฺตนิยโต สมฺมตฺตนิยตสฺส สมฺมตฺตนิยโต วา มิจฺฉตฺต- นิยตสฺส น เกนจิ ปจฺจเยน ปจฺจโย โหติ. มิจฺฉตฺตนิยโต วา สมฺมตฺตนิยโต วา สหชาตาธิปติวิรหิโต นาม นตฺถิ. สมฺมตฺตนิยเต เอกนฺตโต วตฺถุปุเรชาตํ ๑- นตฺถิ, มิจฺฉตฺตนิยเต สิยา อารมฺมณปุเรชาตํ. อนิยตํ จิตฺตํ อารพฺภ นิยตา มิจฺฉาทิฏฺฐิ อุปฺปชฺเชยฺย. เสสํ ๒- นิยตํ อารพฺภ นิยตํ นุปฺปชฺชติ, มิจฺฉตฺตนิยตํ ครุํ กตฺวา น โกจิ ธมฺโม อุปฺปชฺชติ. กุสโล มิจฺฉตฺตสฺส อุปนิสฺสยปจฺจโย น โหติ. เสสเมตฺถ ปาลิยํ วุตฺตนเยเนว เวทิตพฺพํ.