ปฏิจจวาร

[๒๑๒๗] อชฺฌตฺตารมฺมณํ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ เหตุปจฺจยา อชฺฌตฺตารมฺมณํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ปฏิสนฺธิกฺขเณ อชฺฌตฺตารมฺมณํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ

[๒๑๒๘] พหิทฺธารมฺมณํ ธมฺมํ ปฏิจฺจ พหิทฺธารมฺมโณ ธมฺโม อุปฺปชฺชติ เหตุปจฺจยา พหิทฺธารมฺมณํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ปฏิสนฺธิกฺขเณ พหิทฺธารมฺมณํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... ฯ

[๒๑๒๙] อชฺฌตฺตารมฺมณํ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ อารมฺมณปจฺจยา ฯ สงฺขิตฺตํ ฯ อวิคตปจฺจยา ฯ

[๒๑๓๐] เหตุยา เทฺว อารมฺมเณ เทฺว ฯ สงฺขิตฺตํ ฯ สพฺพตฺถ เทฺว อวิคเต เทฺว ฯ เอวํ คเณตพฺพํ ฯ อนุโลมํ ฯ

[๒๑๓๑] อชฺฌตฺตารมฺมณํ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ นเหตุปจฺจยา อเหตุกํ อชฺฌตฺตารมฺมณํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... อเหตุกปฏิสนฺธิกฺขเณ อชฺฌตฺตารมฺมณํ เอกํ ขนฺธํ ปฏิจฺจ เทฺว ขนฺเธ ... วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ

[๒๑๓๒] พหิทฺธารมฺมณํ ธมฺมํ ปฏิจฺจ พหิทฺธารมฺมโณ ธมฺโม อุปฺปชฺชติ นเหตุปจฺจยา อเหตุกํ พหิทฺธารมฺมณํ เอกํ ขนฺธํ ปฏิจฺจ ตโย ขนฺธา เทฺว ขนฺเธ ... อเหตุกปฏิสนฺธิกฺขเณ วิจิกิจฺฉาสหคเต อุทฺธจฺจสหคเต ขนฺเธ ปฏิจฺจ วิจิกิจฺฉาสหคโต อุทฺธจฺจสหคโต โมโห ฯ

[๒๑๓๓] อชฺฌตฺตารมฺมณํ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ นอธิปติปจฺจยา อนุโลมสหชาตสทิสํ นินฺนากรณํ ฯ นปุเรชาตปจฺจยา อรูเป อชฺฌตฺตารมฺมณํ เอกํ ขนฺธํ ปฏิจฺจ ปฏิสนฺธิกฺขเณ ... ฯ

[๒๑๓๔] พหิทฺธารมฺมณํ ธมฺมํ ปฏิจฺจ พหิทฺธารมฺมโณ ธมฺโม อุปฺปชฺชติ นปุเรชาตปจฺจยา อรูเป พหิทฺธารมฺมณํ เอกํ ขนฺธํ ปฏิจฺจ ปฏิสนฺธิกฺขเณ ... นปจฺฉาชาตปจฺจยา นอาเสวนปจฺจยา สหชาตสทิสํ ฯ นกมฺมปจฺจยา อชฺฌตฺตารมฺมเณ ขนฺเธ ปฏิจฺจ อชฺฌตฺตารมฺมณา เจตนา ฯ

[๒๑๓๕] พหิทฺธารมฺมณํ ธมฺมํ ปฏิจฺจ พหิทฺธารมฺมโณ ธมฺโม อุปฺปชฺชติ นกมฺมปจฺจยา พหิทฺธารมฺมเณ ขนฺเธ ปฏิจฺจพหิทฺธารมฺมณา เจตนา ฯ

[๒๑๓๖] อชฺฌตฺตารมฺมณํ ธมฺมํ ปฏิจฺจ ... นวิปากปจฺจยา ปฏิสนฺธิ นตฺถิ ฯ นฌานปจฺจยา ปญฺจวิญฺญาณสหคตํ อชฺฌตฺตารมฺมณํ เอกํ ... ฯ

[๒๑๓๗] พหิทฺธารมฺมณํ ธมฺมํ ปฏิจฺจ ... นฌานปจฺจยา ปญฺจวิญฺญาณสหคตํ พหิทฺธารมฺมณํ เอกํ ขนฺธํ ... นมคฺคปจฺจยา นเหตุสทิโส โมโห นตฺถิ ฯ นวิปฺปยุตฺตปจฺจยา อรูเป อชฺฌตฺตารมฺมณํ เอกํ ขนฺธํ ... ฯ

[๒๑๓๘] พหิทฺธารมฺมณํ ธมฺมํ ปฏิจฺจ ... นวิปฺปยุตฺตปจฺจยา อรูเป พหิทฺธารมฺมณํ เอกํ ขนฺธํ ... ฯ

[๒๑๓๙] นเหตุยา เทฺว นอธิปติยา เทฺว นปุเรชาเต เทฺว นปจฺฉาชาเต เทฺว นอาเสวเน นกมฺเม นวิปาเก นฌาเน นมคฺเค นวิปฺปยุตฺเต เทฺว ฯ เอวํ คเณตพฺพํ ฯ ปจฺจนียํ

[๒๑๔๐] เหตุปจฺจยา นอธิปติยา เทฺว ... นวิปาเก เทฺว นวิปฺปยุตฺเต เทฺว ฯ เอวํ คเณตพฺพํ ฯ อนุโลมปจฺจนียํ ฯ

[๒๑๔๑] นเหตุปจฺจยา อารมฺมเณ เทฺว ... อนนฺตเร เทฺว สมนนฺตเร เทฺว ฯ สงฺขิตฺตํ ฯ มคฺเค เทฺว อวิคเต เทฺว ฯ เอวํ คเณตพฺพํ ฯ ปจฺจนียานุโลมํ ฯ๕ ปฏิจฺจวาโร นิฏฺฐิโต ฯ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา ฯ ปญฺหาวาโร