ปฏิจจวาร

Sappaccayaṃ dhammaṃ paṭicca sappaccayo dhammo uppajjati hetupaccayā: sappaccayaṃ ekaṃ khandhaṃ paṭicca tayo khandhā cittasamuṭṭhānañca Rūpaṃ dve khandhe ... paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ ... mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ.

Sappaccayaṃ dhammaṃ paṭicca sappaccayo dhammo uppajjati ārammaṇapaccayā:. Saṅkhittaṃ. Avigatapaccayā:.

Hetuyā ekaṃ ārammaṇe ekaṃ . saṅkhittaṃ . Avigate ekaṃ. Anulomaṃ niṭṭhitaṃ.

Sappaccayaṃ dhammaṃ paṭicca sappaccayo dhammo uppajjati nahetupaccayā: ahetukaṃ sappaccayaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ahetukapaṭisandhikkhaṇe ... Yāva asaññasattā vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. Saṅkhittaṃ.

Nahetuyā ekaṃ naārammaṇe ekaṃ naadhipatiyā ekaṃ novigate ekaṃ. Paccanīyaṃ niṭṭhitaṃ.

Hetupaccayā naārammaṇe ekaṃ ... naadhipatiyā ekaṃ saṅkhittaṃ novigate ekaṃ. Anulomapaccanīyaṃ niṭṭhitaṃ.

Nahetupaccayā ārammaṇe ekaṃ ... Anantare ekaṃ saṅkhittaṃ ... Avigate ekaṃ. Paccanīyānulomaṃ niṭṭhitaṃ. Sahajātavāro paṭiccavārasadiso.