ปฏิจจวาร

2. Dukapaṭṭhānavaṇṇanā

dukapaṭṭhānepi sabbadukesu pañhāvissajjanāni ceva gaṇanā ca pāliyaṃ āgatanayeneva veditabbā. Apicettha sahetukahetusampayuttadukānaṃ vissajjanaṃ hetudukavissajjanasadisaṃ. Tathā hetu ceva sahetukahetu ca hetusampayuttadukānaṃ. Tathā sappaccayasaṅkhatadukānaṃ. Idaṃ dukaṃ yathā sappaccayadukaṃ, evaṃ kātabbanti idaṃ yasmā sappaccayo viya appaccayena, saṅkhatopi asaṅkhatena saddhiṃ yojanaṃ na labbhati, tasmā vuttaṃ. Sārammaṇacittasampayuttasaṃsaṭṭhadukāpi sadisavissajjanāyeva. Tathā āsavaoghayogagocchakā. Etepi 2- hi tayo aññamaññasadisavissajjanāyeva.