TIPITAKA Volume 42 : PALI ROMAN Abhidhamma Pitaka Vol 9 : Abhi. Pa.(3) Anulomadukapaṭṭhānaṃ purimaṃ Sāsavadukaṃ paṭiccavāro

[362] Sāsavaṃ dhammaṃ paṭicca sāsavo dhammo uppajjati hetupaccayā: sāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhikkhaṇe khandhe paṭicca vatthu vatthuṃ paṭicca khandhā ekaṃ mahābhūtaṃ ... mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ . anāsavaṃ dhammaṃ paṭicca anāsavo dhammo uppajjati hetupaccayā: anāsavaṃ ekaṃ khandhaṃ paṭicca tayo khandhā dve khandhe ... . anāsavaṃ dhammaṃ paṭicca sāsavo dhammo uppajjati hetupaccayā: anāsave khandhe paṭicca cittasamuṭṭhānaṃ rūpaṃ . anāsavaṃ dhammaṃ paṭicca sāsavo ca anāsavo ca dhammā uppajjanti hetupaccayā: anāsavaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... sāsavañca anāsavañca dhammaṃ paṭicca sāsavo dhammo uppajjati hetupaccayā: anāsave khandhe ca mahābhūte ca paṭicca cittasamuṭṭhānaṃ rūpaṃ . Yathā cūḷantaraduke lokiyadukaṃ evaṃ kātabbaṃ ninnānākaraṇaṃ. Sāsavadukaṃ niṭṭhitaṃ. -----------