ปฏิจจวาร

TIPITAKA Volume 42 : PALI ROMAN Abhidhamma Pitaka Vol 9 : Abhi. Pa.(3) Anulomadukapaṭṭhānaṃ purimaṃ Hetusahetukadukaṃ paṭiccavāro

[104] Hetuñcevasahetukañca dhammaṃ paṭicca hetucevasahetukoca dhammo uppajjati hetupaccayā: alobhaṃ paṭicca adoso amoho . Cakkaṃ bandhitabbaṃ . lobhaṃ paṭicca moho . cakkaṃ bandhitabbaṃ . Paṭisandhikkhaṇe alobhaṃ paṭicca adoso amoho . cakkaṃ bandhitabbaṃ . Hetuñcevasahetukañca dhammaṃ paṭicca sahetukocevanacahetu dhammo uppajjati hetupaccayā: hetuṃ paṭicca sampayuttakā khandhā paṭisandhikkhaṇe ... . Hetuñcevasahetukañca dhammaṃ paṭicca hetucevasahetukoca Sahetukocevanacahetu ca dhammā uppajjanti hetupaccayā: alobhaṃ paṭicca adoso amoho sampayuttakā ca khandhā . cakkaṃ bandhitabbaṃ . lobhaṃ paṭicca moho sampayuttakā ca khandhā . cakkaṃ bandhitabbaṃ. Paṭisandhikkhaṇe .... {104.1} Sahetukañcevanacahetuṃ dhammaṃ paṭicca sahetukocevanacahetu dhammo uppajjati hetupaccayā: sahetukañcanacahetuṃ ekaṃ khandhaṃ paṭicca tayo khandhā dve khandhe ... Paṭisandhikkhaṇe .... Sahetukañcevanacahetuṃ dhammaṃ paṭicca hetucevasahetukoca dhammo uppajjati hetupaccayā: sahetukecevanacahetū khandhe paṭicca hetu paṭisandhikkhaṇe ... . Sahetukañcevanacahetuṃ dhammaṃ paṭicca hetucevasahetukoca sahetukocevanacahetu ca dhammā uppajjanti hetupaccayā: sahetukañcevanacahetuṃ ekaṃ khandhaṃ paṭicca tayo khandhā hetu ca dve khandhe ... Paṭisandhikkhaṇe .... {104.2} Hetuñcevasahetukañca sahetukañcevanacahetuñca dhammaṃ paṭicca hetucevasahetukoca dhammo uppajjati hetupaccayā: alobhañca sampayuttake ca khandhe paṭicca adoso amoho . cakkaṃ bandhitabbaṃ. Lobhañca sampayuttake ca khandhe paṭicca moho . cakkaṃ bandhitabbaṃ . Paṭisandhikkhaṇe ... . hetuñcevasahetukañca sahetukañcevanacahetuñca dhammaṃ paṭicca sahetukocevanacahetu dhammo uppajjati hetupaccayā: sahetukañcevanacahetuṃ ekaṃ khandhañca hetuñca paṭicca tayo khandhā dve khandhe ... Paṭisandhikkhaṇe .... {104.3} Hetuñcevasahetukañca sahetukañcevanacahetuñca Dhammaṃ paṭicca hetucevasahetukoca sahetukocevanacahetu ca dhammā uppajjanti hetupaccayā: sahetukañcevanacahetuṃ ekaṃ khandhañca alobhañca paṭicca tayo khandhā adoso amoho ca dve khandhe ... Paṭisandhikkhaṇe .... Saṅkhittaṃ. Evaṃ vitthāretabbaṃ.