ปัจจยวาร

TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Paccayavāro

[676] Sappītikaṃ dhammaṃ paccayā sappītiko dhammo uppajjati hetupaccayā: . saṅkhittaṃ . yathā savitakkaduke anulomapaccayavāraṃ evaṃ pavatti paṭisandhi nava pañhā paripuṇṇā pīti ninnānākaraṇā.

[677] Hetuyā nava ārammaṇe nava adhipatiyā nava .pe. Avigate nava.

[678] Sappītikaṃ dhammaṃ paccayā sappītiko dhammo uppajjati nahetupaccayā: tīṇi paṭiccasadisā . appītikaṃ dhammaṃ paccayā appītiko dhammo uppajjati nahetupaccayā: . pavatti paṭisandhi kātabbā paṭiccavārasadisā yāva asaññasattā . cakkhāyatanaṃ paccayā cakkhuviññāṇaṃ kāyāyatanaṃ ... vatthuṃ paccayā ahetukā appītikā khandhā pīti ca vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho . anulomasadisā nava pañhā pavattiyeva paṭisandhi natthi ekoyeva moho.

[679] Nahetuyā nava naārammaṇe tīṇi naadhipatiyā nava naanantare tīṇi naupanissaye tīṇi napurejāte nava napacchājāte nava naāsevane nava nakamme nava navipāke nava naāhāre ekaṃ naindriye ekaṃ najhāne ekaṃ namagge nava nasampayutte tīṇi navippayutte cha nonatthiyā tīṇi novigate tīṇi. Evaṃ itare dve gaṇanāpi nissayavāropi kātabbā.