สังสัฏฐวาร

TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Saṃsaṭṭhavāro

[711] Upekkhāsahagataṃ dhammaṃ saṃsaṭṭho upekkhāsahagato dhammo uppajjati hetupaccayā: upekkhāsahagataṃ ekaṃ khandhaṃ saṃsaṭṭhā dve khandhā dve khandhe ... Paṭisandhi. Yathā savitakkadukaṃ evaṃ kātabbaṃ.

[712] Hetuyā cha ārammaṇe cha sabbattha cha avigate cha.

[713] Upekkhāsahagataṃ dhammaṃ saṃsaṭṭho upekkhāsahagato dhammo uppajjati nahetupaccayā: ahetukaṃ upekkhāsahagataṃ ekaṃ khandhaṃ saṃsaṭṭhā Dve khandhā dve khandhe ... ahetukapaṭisandhikkhaṇe vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. Evaṃ pañca pañhā yathā savitakkaduke evaṃ kātabbā.

[714] Nahetuyā cha naadhipatiyā cha napurejāte cha napacchājāte cha naāsevane cha nakamme cattāri navipāke cha navippayutte cha. Evaṃ itare dve gaṇanāpi sampayuttavāropi kātabbā.