ปฏิจจวาร

Saraṇaṃ dhammaṃ paṭicca saraṇo dhammo uppajjati hetupaccayā: saraṇaṃ ekaṃ khandhaṃ paṭicca tayo khandhā dve khandhe .... Pañca pañhā arūpāvacaradukasadisā anulomapaṭiccasadisā.

Hetuyā pañca ārammaṇe dve adhipatiyā pañca avigate pañca.

Saraṇaṃ dhammaṃ paṭicca saraṇo dhammo uppajjati nahetupaccayā: Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho . araṇaṃ dhammaṃ paṭicca araṇo dhammo uppajjati nahetupaccayā: ahetukaṃ araṇaṃ ekaṃ khandhaṃ paṭicca tayo khandhā cittasamuṭṭhānañca rūpaṃ ahetukapaṭisandhi yāva asaññasattā.

Nahetuyā dve naārammaṇe tīṇi naadhipatiyā pañca naanantare tīṇi naupanissaye tīṇi napurejāte cattāri napacchājāte pañca naāsevane pañca nakamme dve navipāke pañca naāhāre ekaṃ naindriye ekaṃ najhāne ekaṃ namagge ekaṃ nasampayutte tīṇi navippayutte dve nonatthiyā tīṇi novigate tīṇi. Itare dve gaṇanāpi sahajātavāropi kātabbā.