ปัจจยวาร

Saraṇaṃ dhammaṃ paccayā saraṇo dhammo uppajjati hetupaccayā: saraṇaṃ ekaṃ khandhaṃ paccayā tayo khandhā dve khandhe .... Yathā arūpāvacaradukassa paccayavāropi evaṃ kātabbo.

Hetuyā nava ārammaṇe cattāri adhipatiyā nava avigate nava.

Saraṇaṃ dhammaṃ paccayā saraṇo dhammo uppajjati nahetupaccayā: vicikicchāsahagate uddhaccasahagate khandhe paccayā vicikicchāsahagato Uddhaccasahagato moho . araṇaṃ dhammaṃ paccayā araṇo dhammo uppajjati nahetupaccayā: ahetukaṃ araṇaṃ ekaṃ khandhaṃ paccayā tayo khandhā cittasamuṭṭhānañca rūpaṃ ahetukapaṭisandhi yāva asaññasattā cakkhāyatanaṃ paccayā cakkhuviññāṇaṃ kāyāyatanaṃ paccayā ... . araṇaṃ dhammaṃ paccayā saraṇo dhammo uppajjati nahetupaccayā: vatthuṃ paccayā vicikicchāsahagato uddhaccasahagato moho . saraṇañca araṇañca dhammaṃ paccayā saraṇo dhammo uppajjati nahetupaccayā: vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.

Nahetuyā cattāri naārammaṇe tīṇi naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte cattāri napacchājāte nava naāsevane nava nakamme cattāri navipāke nava naāhāre ekaṃ naindriye ekaṃ najhāne ekaṃ namagge ekaṃ nasampayutte tīṇi navippayutte dve nonatthiyā tīṇi novigate tīṇi. Itare dve gaṇanāpi nissayavāropi saṃsaṭṭhavāropi kātabbā dve pañhā kātabbā sabbattha.

Hetuyā dve ārammaṇe dve sabbattha dve vipāke ekaṃ avigate dve.

Nahetuyā dve naadhipatiyā dve purejāte dve Napacchājāte dve naāsevane dve nakamme dve navipāke dve najhāne ekaṃ namagge ekaṃ navippayutte dve. Itare dve gaṇanāpi sampayuttavāropi kātabbā.