ปัจจยวาร

TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Paccayavāro

[197] Cittasahabhuṃ dhammaṃ paccayā cittasahabhū dhammo uppajjati hetupaccayā: tīṇi paṭiccasadisā . nocittasahabhuṃ dhammaṃ paccayā nocittasahabhū dhammo uppajjati hetupaccayā: vatthuṃ paccayā cittaṃ cittaṃ paccayā nocittasahabhu cittasamuṭṭhānaṃ rūpaṃ paṭisandhi paṭiccasadisā sabbe mahābhūtā . nocittasahabhuṃ dhammaṃ paccayā cittasahabhū dhammo uppajjati hetupaccayā: cittaṃ paccayā sampayuttakā khandhā Cittasahabhu cittasamuṭṭhānañca rūpaṃ vatthuṃ paccayā cittasahabhū khandhā paṭisandhi sabbe mahābhūtā paṭiccasadisā. {197.1} Nocittasahabhuṃ dhammaṃ paccayā cittasahabhū ca nocittasahabhū ca dhammā uppajjanti hetupaccayā: cittaṃ paccayā sampayuttakā khandhā cittasahabhu ca nocittasahabhu ca cittasamuṭṭhānaṃ rūpaṃ vatthuṃ paccayā cittañca sampayuttakā ca khandhā paṭisandhi paṭiccasadisā sabbe mahābhūtā . Cittasahabhuñca nocittasahabhuñca dhammaṃ paccayā cittasahabhū dhammo uppajjati hetupaccayā: cittasahabhuṃ ekaṃ khandhañca cittañca paccayā dve khandhā cittasahabhu cittasamuṭṭhānañca rūpaṃ dve khandhe ... Cittasahabhuṃ ekaṃ khandhañca vatthuñca paccayā dve khandhā dve khandhe ... Paṭisandhi paṭiccasadisā sabbe mahābhūtā. {197.2} Cittasahabhuñca nocittasahabhuñca dhammaṃ paccayā nocittasahabhū dhammo uppajjati hetupaccayā: cittasahabhū khandhe ca cittañca paccayā nocittasahabhu cittasamuṭṭhānaṃ rūpaṃ cittasahabhū khandhe ca vatthuñca paccayā cittaṃ cittasahabhū khandhe ca mahābhūte ca paccayā nocittasahabhu cittasamuṭṭhānaṃ rūpaṃ paṭisandhi paṭicca- sadisā sabbe mahābhūtā . cittasahabhuñca nocittasahabhuñca dhammaṃ paccayā cittasahabhū ca nocittasahabhū ca dhammā uppajjanti hetupaccayā: cittasahabhuṃ ekaṃ khandhañca cittañca paccayā dve khandhā cittasahabhu ca nocittasahabhu ca cittasamuṭṭhānaṃ rūpaṃ cittasahabhuṃ ekaṃ khandhañca vatthuñca paccayā dve khandhā cittañca Dve khandhe ... Paṭisandhi paṭiccasadisā sabbe mahābhūtā.

[198] Cittasahabhuṃ dhammaṃ paccayā cittasahabhū dhammo uppajjati ārammaṇapaccayā: tīṇi paṭiccasadisā . nocittasahabhuṃ dhammaṃ paccayā nocittasahabhū dhammo uppajjati ārammaṇapaccayā: cakkhāyatanaṃ paccayā cakkhuviññāṇaṃ kāyāyatanaṃ ... . imaṃ cittasamuṭṭhānaduke paccayavāre ārammaṇasadisaṃ channampi imesaṃ pañcaviññāṇamūlā kātabbā. Saṅkhittaṃ.

[199] Hetuyā nava ārammaṇe nava adhipatiyā nava sabbattha nava avigate nava.

[200] Cittasahabhuṃ dhammaṃ paccayā cittasahabhū dhammo uppajjati nahetupaccayā: ahetukaṃ cittasahabhuṃ ekaṃ khandhaṃ ... . Saṅkhittaṃ. Sabbaṃ kātabbaṃ paccayavārassa pañcaviññāṇaṃ channampi mūlā kātabbā sabbe mahābhūtā tīṇiyeva moho. Saṅkhittaṃ.

[201] Nahetuyā nava naārammaṇe nava naadhipatiyā nava naanantare nava nasamanantare nava naaññamaññe nava naupanissaye nava napurejāte nava napacchājāte nava naāsevane nava nakamme cattāri navipāke nava naāhāre ekaṃ naindriye ekaṃ najhāne nava namagge nava nasampayutte nava navippayutte cha nonatthiyā nava novigate nava.

[202] Hetupaccayā naārammaṇe nava sabbattha nava ... Nakamme Tīṇi navipāke nava nasampayutte nava navippayutte pañca nonatthiyā nava novigate nava.

[203] Nahetupaccayā ārammaṇe nava ... Anantare nava sabbattha nava magge tīṇi avigate nava. Nissayavāro paccayavārasadiso.