สังสัฏฐวาร

TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Saṃsaṭṭhavāro

[271] Ajjhattikaṃ dhammaṃ saṃsaṭṭho bāhiro dhammo uppajjati hetupaccayā: cittaṃ saṃsaṭṭhā sampayuttakā khandhā paṭisandhikkhaṇe cittaṃ saṃsaṭṭhā sampayuttakā khandhā . bāhiraṃ dhammaṃ saṃsaṭṭho bāhiro dhammo uppajjati hetupaccayā: bāhiraṃ ekaṃ khandhaṃ saṃsaṭṭhā dve khandhā dve khandhe ... paṭisandhikkhaṇe .pe. Bāhiraṃ dhammaṃ saṃsaṭṭho ajjhattiko dhammo uppajjati hetupaccayā: bāhire khandhe saṃsaṭṭhaṃ cittaṃ paṭisandhikkhaṇe .pe. bāhiraṃ dhammaṃ saṃsaṭṭho ajjhattiko ca bāhiro ca dhammā uppajjanti hetupaccayā: bāhiraṃ ekaṃ khandhaṃ saṃsaṭṭhā dve khandhā cittañca dve khandhe ... Paṭisandhikkhaṇe .pe. ajjhattikañca bāhirañca dhammaṃ saṃsaṭṭho bāhiro dhammo uppajjati hetupaccayā: bāhiraṃ ekaṃ khandhañca cittañca saṃsaṭṭhā dve khandhā dve khandhe ... Paṭisandhikkhaṇe .pe. Saṅkhittaṃ.

[272] Hetuyā pañca ārammaṇe pañca adhipatiyā pañca sabbattha pañca avigate pañca.

[273] Ajjhattikaṃ dhammaṃ saṃsaṭṭho bāhiro dhammo uppajjati nahetupaccayā: evaṃ pañca kātabbā tīṇiyeva moho.

[274] Nahetuyā pañca naadhipatiyā pañca napurejāte pañca napacchājāte pañca naāsevane pañca nakamme tīṇi navipāke pañca najhāne pañca namagge pañca nasampayutte pañca navippayutte pañca. Evaṃ itare dve gaṇanāpi sampayuttavāropi kātabbā.