สังสัฏฐวาร

Saṅkiliṭṭhaṃ dhammaṃ saṃsaṭṭho saṅkiliṭṭho dhammo uppajjati hetupaccayā: saṅkiliṭṭhaṃ ekaṃ khandhaṃ saṃsaṭṭhā tayo khandhā dve Khandhe ... . asaṅkiliṭṭhaṃ dhammaṃ saṃsaṭṭho asaṅkiliṭṭho dhammo uppajjati hetupaccayā: asaṅkiliṭṭhaṃ ekaṃ khandhaṃ saṃsaṭṭhā tayo khandhā dve khandhe ... Paṭisandhi.

Hetuyā dve ārammaṇe dve adhipatiyā dve sabbattha dve vipāke ekaṃ avigate dve.

Saṅkiliṭṭhaṃ dhammaṃ saṃsaṭṭho saṅkiliṭṭho dhammo uppajjati nahetupaccayā: vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho . asaṅkiliṭṭhaṃ dhammaṃ saṃsaṭṭho asaṅkiliṭṭho dhammo uppajjati nahetupaccayā: ahetukaṃ asaṅkiliṭṭhaṃ ekaṃ khandhaṃ saṃsaṭṭhā tayo khandhā dve khandhe ... Ahetukapaṭisandhi.

Nahetuyā dve naadhipatiyā dve napurejāte dve napacchājāte dve naāsevane dve nakamme dve navipāke dve najhāne ekaṃ namagge ekaṃ nasampayutte dve navippayutte dve. Evaṃ itare dve gaṇanāpi sampayuttavāropi kātabbā.