ปัญหาวาร

[๕๕๐] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐธมฺมสฺส เหตุปจฺจเยน ปจฺจโย: กิเลสาเจวสงฺกิลิฏฺฐาจ เหตู สมฺปยุตฺตกานํ กิเลสานํ เหตุปจฺจเยน ปจฺจโย ฯ กิเลโสเจวสงฺกิลิฏฺโฐจ ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส เหตุปจฺจเยน ปจฺจโย: กิเลสาเจวสงฺกิลิฏฺฐาจ เหตู สมฺปยุตฺตกานํ ขนฺธานํ เหตุปจฺจเยน ปจฺจโย ฯ กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ สงฺกิลิฏฺฐสฺสเจวโนจกิเลสสฺส จ ธมฺมสฺส เหตุปจฺจเยน ปจฺจโย: กิเลสาเจวสงฺกิลิฏฺฐาจ เหตู สมฺปยุตฺตกานํ ขนฺธานํ กิเลสานญฺจ เหตุปจฺจเยน ปจฺจโย ฯ

[๕๕๑] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ ธมฺมสฺส อารมฺมณปจฺจเยน ปจฺจโย: กิเลเส อารพฺภ กิเลสา อุปฺปชฺชนฺติ ฯ มูลํ กาตพฺพํ กิเลเส อารพฺภ สงฺกิลิฏฺฐาเจวโนจกิเลสา ขนฺธา อุปฺปชฺชนฺติ ฯ มูลํ กาตพฺพํ กิเลเส อารพฺภ กิเลสา จ สมฺปยุตฺตกา จ ขนฺธา อุปฺปชฺชนฺติ ฯ สงฺกิลิฏฺโฐเจวโนจกิเลโส ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส อารมฺมณปจฺจเยน ปจฺจโย: สงฺกิลิฏฺเฐเจวโนจกิเลเส ขนฺเธ อารพฺภ สงฺกิลิฏฺฐาเจวโนจกิเลสา ขนฺธา อุปฺปชฺชนฺติ ฯ มูลํ กาตพฺพํ สงฺกิลิฏฺเฐเจวโนจกิเลเส ขนฺเธ อารพฺภ กิเลสา อุปฺปชฺชนฺติ ฯ มูลํ กาตพฺพํ สงฺกิลิฏฺเฐเจวโนจกิเลเส ขนฺเธ อารพฺภ กิเลสา จ สมฺปยุตฺตกา จ ขนฺธา อุปฺปชฺชนฺติ ฯ อิตเรปิ ตีณิ กาตพฺพา ฯ

[๕๕๒] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ ธมฺมสฺส อธิปติปจฺจเยน ปจฺจโย: อารมฺมณาธิปติ ตีณิ ฯ สงฺกิลิฏฺโฐเจวโนจกิเลโส ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ อารมฺมณาธิปติ: สงฺกิลิฏฺเฐเจวโนจกิเลเส ขนฺเธ ครุํ กตฺวา ฯเปฯ ตีณิ เทฺวปิ อธิปตี ตีณิปิ กาตพฺพา ฯ อิตเร เทฺวปิ ตีณิ กาตพฺพา ฯ

[๕๕๓] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ ธมฺมสฺส อนนฺตรปจฺจเยน ปจฺจโย: นวปิ กาตพฺพา อาวชฺชนาปิ วุฏฺฐานมฺปิ นตฺถิ ฯ ... สมนนฺตรปจฺจเยน ปจฺจโย: สหชาตปจฺจเยน ปจฺจโย: อญฺญมญฺญปจฺจเยน ปจฺจโย: นิสฺสยปจฺจเยน ปจฺจโย: อุปนิสฺสยปจฺจเยน ปจฺจโย: นว ปญฺหา วิภงฺโค นตฺถิ ฯ ... อาเสวนปจฺจเยน ปจฺจโย: นว ฯ

[๕๕๔] สงฺกิลิฏฺโฐเจวโนจกิเลโส ธมฺโม สงฺกิลิฏฺฐสฺสเจวโนจกิเลสสฺส ธมฺมสฺส กมฺมปจฺจเยน ปจฺจโย: สงฺกิลิฏฺฐาเจวโนจกิเลสา เจตนา สมฺปยุตฺตกานํ ขนฺธานํ กมฺมปจฺจเยน ปจฺจโย ฯ สงฺกิลิฏฺโฐเจว- *โนจกิเลโส ธมฺโม กิเลสสฺสเจวสงฺกิลิฏฺฐสฺสจ ธมฺมสฺส กมฺมปจฺจเยน ปจฺจโย: สงฺกิลิฏฺฐาเจวโนจกิเลสา เจตนา สมฺปยุตฺตกานํ กิเลสานํ กมฺมปจฺจเยน ปจฺจโย ฯ สงฺกิลิฏฺโฐเจวโนจกิเลโส ธมฺโม กิเลสสฺสเจวสงฺกิลิฏฺฐสฺสจ สงฺกิลิฏฺฐสฺสเจวโนจกิเลสสฺส จ ธมฺมสฺส กมฺมปจฺจเยน ปจฺจโย: สงฺกิลิฏฺฐาเจวโนจกิเลสา เจตนา สมฺปยุตฺตกานํ ขนฺธานํ กิเลสานญฺจ กมฺมปจฺจเยน ปจฺจโย ฯ ... อาหารปจฺจเยน ปจฺจโย: ตีณิ อินฺทฺริยปจฺจเยน ปจฺจโย: ตีณิ ฌานปจฺจเยน ปจฺจโย: ตีณิ มคฺคปจฺจเยน ปจฺจโย: นว สมฺปยุตฺตปจฺจเยน ปจฺจโย: นว อตฺถิปจฺจเยน ปจฺจโย: นว นตฺถิปจฺจเยน ปจฺจโย: วิคตปจฺจเยน ปจฺจโย: อวิคตปจฺจเยน ปจฺจโย: ฯ

[๕๕๕] เหตุยา ตีณิ อารมฺมเณ นว อธิปติยา นว อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว อาเสวเน นว กมฺเม ตีณิ อาหาเร ตีณิ อินฺทฺริเย ตีณิ ฌาเน ตีณิ มคฺเค นว สมฺปยุตฺเต นว อตฺถิยา นว นตฺถิยา นว วิคเต นว อวิคเต นว ฯ

[๕๕๖] กิเลโสเจวสงฺกิลิฏฺโฐจ ธมฺโม กิเลสสฺสเจวสงฺกิลิฏฺฐสฺสจ ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ นวปิ ตีณิเยว ปทา กาตพฺพา ฯ

[๕๕๗] นเหตุยา นว นอารมฺมเณ นว สพฺพตฺถ นว โนอวิคเต นว ฯ

[๕๕๘] เหตุปจฺจยา นอารมฺมเณ ตีณิ ... นอธิปติยา ตีณิ นอนนฺตเร ตีณิ นสมนนฺตเร ตีณิ นอุปนิสฺสเย ตีณิ นมคฺเค ตีณิ นวิปฺปยุตฺเต ตีณิ โนนตฺถิยา ตีณิ โนวิคเต ตีณิ ฯ

[๕๕๙] นเหตุปจฺจยา อารมฺมเณ นว ฯ อนุโลมมาติกา กาตพฺพา ฯ ... อวิคเต นว ฯ กิเลสสงฺกิลิฏฺฐทุกํ นิฏฺฐิตํ ฯ _______________ กิเลสกิเลสสมฺปยุตฺตทุกํ ปฏิจฺจวาโร