TIPITAKA Volume 43 : PALI ROMAN Sutta Pitaka Vol 35 : Abhi. Pa.(4) Anulomadukapaṭṭhānaṃ pacchimaṃ Paccayavāro

[858] Saraṇaṃ dhammaṃ paccayā saraṇo dhammo uppajjati hetupaccayā: saraṇaṃ ekaṃ khandhaṃ paccayā tayo khandhā dve khandhe .... Yathā arūpāvacaradukassa paccayavāropi evaṃ kātabbo.

[859] Hetuyā nava ārammaṇe cattāri adhipatiyā nava avigate nava.

[860] Saraṇaṃ dhammaṃ paccayā saraṇo dhammo uppajjati nahetupaccayā: vicikicchāsahagate uddhaccasahagate khandhe paccayā vicikicchāsahagato Uddhaccasahagato moho . araṇaṃ dhammaṃ paccayā araṇo dhammo uppajjati nahetupaccayā: ahetukaṃ araṇaṃ ekaṃ khandhaṃ paccayā tayo khandhā cittasamuṭṭhānañca rūpaṃ ahetukapaṭisandhi yāva asaññasattā cakkhāyatanaṃ paccayā cakkhuviññāṇaṃ kāyāyatanaṃ paccayā ... . araṇaṃ dhammaṃ paccayā saraṇo dhammo uppajjati nahetupaccayā: vatthuṃ paccayā vicikicchāsahagato uddhaccasahagato moho . saraṇañca araṇañca dhammaṃ paccayā saraṇo dhammo uppajjati nahetupaccayā: vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.