สรณทุกอุปาทินนัตติกะ

อรณํ อุปาทินฺนุปาทานิยํ ธมฺมํ ปฏิจฺจ อรโณ อุปาทินฺนุปาทานิโย ธมฺโม อุปฺปชฺชติ เหตุปจฺจยา: ฯ

เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

สรณํ อนุปาทินฺนุปาทานิยํ ธมฺมํ ปฏิจฺจ สรโณ อนุปาทินฺนุปาทานิโย ธมฺโม อุปฺปชฺชติ เหตุปจฺจยา: ตีณิ ฯ อรณํ อนุปาทินฺนุปาทานิยํ ธมฺมํ ปฏิจฺจ อรโณ อนุปาทินฺนุปาทานิโย ธมฺโม อุปฺปชฺชติ เหตุปจฺจยา: ฯ

เหตุยา ปญฺจ อารมฺมเณ เทฺว อวิคเต ปญฺจ ฯ สหชาตวาโรปิ ปญฺหาวาโรปิ สพฺพตฺถ วิตฺถาเรตพฺพา ฯ

อรณํ อนุปาทินฺนอนุปาทานิยํ ธมฺมํ ปฏิจฺจ อรโณ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา: ฯ

เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ สรณทุกอุปาทินฺนตฺติกํ นิฏฺฐิตํ ฯ ______________ สรณทุกสงฺกิลิฏฺฐตฺติกํ