กุสลัตติกเหตุทุกะ

[๑] กุสลํ เหตุํ ธมฺมํ ปฏิจฺจ กุสโล เหตุ ธมฺโม อุปฺปชฺชติ เหตุปจฺจยา: ฯ อกุสลํ เหตุํ ธมฺมํ ปฏิจฺจ อกุสโล เหตุ ธมฺโม อุปฺปชฺชติ เหตุปจฺจยา: ฯ อพฺยากตํ เหตุํ ธมฺมํ ปฏิจฺจ อพฺยากโต เหตุ ธมฺโม อุปฺปชฺชติ เหตุปจฺจยา: ฯ

[๒] กุสลํ เหตุํ ธมฺมํ ปฏิจฺจ กุสโล เหตุ ธมฺโม อุปฺปชฺชติ อารมฺมณปจฺจยา: ฯ อกุสลํ เหตุํ ธมฺมํ ปฏิจฺจ อกุสโล เหตุ ธมฺโม อุปฺปชฺชติ อารมฺมณปจฺจยา: ฯ อพฺยากตํ เหตุํ ธมฺมํ ปฏิจฺจ อพฺยากโต เหตุ ธมฺโม อุปฺปชฺชติ อารมฺมณปจฺจยา: ฯ

[๓] เหตุยา ตีณิ อารมฺมเณ ตีณิ อธิปติยา ตีณิ อนนฺตเร ตีณิ สมนนฺตเร ตีณิ สหชาเต ตีณิ อญฺญมญฺเญ ตีณิ นิสฺสเย ตีณิ อุปนิสฺสเย ตีณิ ปุเรชาเต ตีณิ อาเสวเน ตีณิ กมฺเม ตีณิ วิปาเก เอกํ อาหาเร ตีณิ อวิคเต ตีณิ ฯ

[๔] กุสลํ เหตุํ ธมฺมํ ปฏิจฺจ กุสโล เหตุ ธมฺโม อุปฺปชฺชติ นอธิปติปจฺจยา: ฯ อกุสลํ เหตุํ ธมฺมํ ปฏิจฺจ อกุสโล เหตุ ธมฺโม อุปฺปชฺชติ นอธิปติปจฺจยา: ฯ อพฺยากตํ เหตุํ ธมฺมํ ปฏิจฺจ อพฺยากโต เหตุ ธมฺโม อุปฺปชฺชติ นอธิปติปจฺจยา: ฯ

[๕] นอธิปติยา ตีณิ นปุเรชาเต ตีณิ นปจฺฉาชาเต ตีณิ นอาเสวเน ตีณิ นวิปาเก ตีณิ นวิปฺปยุตฺเต ตีณิ ฯ

[๖] เหตุปจฺจยา นอธิปติยา ตีณิ ฯ

[๗] นอธิปติปจฺจยา เหตุยา ตีณิ ฯ สหชาตวาเรปิ ปจฺจยวาเรปิ นิสฺสยวาเรปิ สํสฏฺฐวาเรปิ สมฺปยุตฺตวาเรปิ สพฺพตฺถ ตีณิ ฯ

[๘] กุสโล เหตุ ธมฺโม กุสลสฺส เหตุสฺส ธมฺมสฺส เหตุปจฺจเยน ปจฺจโย: ฯ อกุสโล เหตุ ธมฺโม อกุสลสฺส เหตุสฺส ธมฺมสฺส เหตุปจฺจเยน ปจฺจโย: ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส เหตุปจฺจเยน ปจฺจโย: ฯ

[๙] กุสโล เหตุ ธมฺโม กุสลสฺส เหตุสฺส ธมฺมสฺส อารมฺมณปจฺจเยน ปจฺจโย: กุสโล เหตุ ธมฺโม อกุสลสฺส เหตุสฺส ธมฺมสฺส อารมฺมณปจฺจเยน ปจฺจโย: กุสโล เหตุ ธมฺโม อพฺยากตสฺส เหตุสฺส ธมฺมสฺส อารมฺมณปจฺจเยน ปจฺจโย: ฯ อกุสโล เหตุ ธมฺโม อกุสลสฺส เหตุสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส อารมฺมณปจฺจเยน ปจฺจโย: ตีณิ ฯ

[๑๐] กุสโล เหตุ ธมฺโม กุสลสฺส เหตุสฺส ธมฺมสฺส อธิปติปจฺจเยน ปจฺจโย: กุสโล เหตุ ธมฺโม อกุสลสฺส เหตุสฺส ธมฺมสฺส อธิปติปจฺจเยน ปจฺจโย: กุสโล เหตุ ธมฺโม อพฺยากตสฺส เหตุสฺส ธมฺมสฺส อธิปติปจฺจเยน ปจฺจโย: ตีณิ ฯ อกุสโล เหตุ ธมฺโม อกุสลสฺส เหตุสฺส ธมฺมสฺส อธิปติปจฺจเยน ปจฺจโย: ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส อธิปติปจฺจเยน ปจฺจโย ฯเปฯ อพฺยากโต เหตุ ธมฺโม อกุสลสฺส เหตุสฺส ธมฺมสฺส อธิปติปจฺจเยน ปจฺจโย: ตีณิ ฯ

[๑๑] กุสโล เหตุ ธมฺโม กุสลสฺส เหตุสฺส ธมฺมสฺส อนนฺตรปจฺจเยน ปจฺจโย: เทฺว ฯ อกุสโล เหตุ ธมฺโม อกุสลสฺส เหตุสฺส ธมฺมสฺส อนนฺตรปจฺจเยน ปจฺจโย: เทฺว ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส อนนฺตรปจฺจเยน ปจฺจโย: ฯ

[๑๒] กุสโล เหตุ ธมฺโม กุสลสฺส เหตุสฺส ธมฺมสฺส สหชาตปจฺจเยน ปจฺจโย: ฯ อกุสโล เหตุ ธมฺโม อกุสลสฺส เหตุสฺส ธมฺมสฺส สหชาตปจฺจเยน ปจฺจโย: ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส สหชาตปจฺจเยน ปจฺจโย: ฯ อญฺญมญฺญนิสฺสยปจฺจยา สหชาตปจฺจยสทิสา ฯ

[๑๓] กุสโล เหตุ ธมฺโม กุสลสฺส เหตุสฺส ธมฺมสฺส อุปนิสฺสยปจฺจเยน ปจฺจโย: กุสโล เหตุ ธมฺโม อกุสลสฺส เหตุสฺส ธมฺมสฺส อุปนิสฺสยปจฺจเยน ปจฺจโย: กุสโล เหตุ ธมฺโม อพฺยากตสฺส เหตุสฺส ธมฺมสฺส อุปนิสฺสยปจฺจเยน ปจฺจโย: ฯ อกุสโล เหตุ ธมฺโม อกุสลสฺส เหตุสฺส ธมฺมสฺส อุปนิสฺสยปจฺจเยน ปจฺจโย: อกุสโล เหตุ ธมฺโม กุสลสฺส เหตุสฺส ธมฺมสฺส อุปนิสฺสยปจฺจเยน ปจฺจโย: อกุสโล เหตุ ธมฺโม อพฺยากตสฺส เหตุสฺส ธมฺมสฺส อุปนิสฺสยปจฺจเยน ปจฺจโย: ตีณิ ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส อุปนิสฺสยปจฺจเยน ปจฺจโย: อพฺยากโต เหตุ ธมฺโม กุสลสฺส เหตุสฺส ธมฺมสฺส อุปนิสฺสยปจฺจเยน ปจฺจโย: อพฺยากโต เหตุ ธมฺโม อกุสลสฺส เหตุสฺส ธมฺมสฺส อุปนิสฺสยปจฺจเยน ปจฺจโย: ฯ

[๑๔] อพฺยากโต เหตุ ธมฺโม อพฺยากตสฺส เหตุสฺส ธมฺมสฺส วิปากปจฺจเยน ปจฺจโย: ฯ

[๑๕] เหตุยา ตีณิ อารมฺมเณ นว อธิปติยา สตฺต อนนฺตเร ปญฺจ สมนนฺตเร ปญฺจ สหชาเต ตีณิ อญฺญมญฺเญ ตีณิ นิสฺสเย ตีณิ อุปนิสฺสเย นว อาเสวเน ตีณิ วิปาเก เอกํ อินฺทฺริเย เทฺว มคฺเค เทฺว สมฺปยุตฺเต ตีณิ อตฺถิยา ตีณิ นตฺถิยา ปญฺจ วิคเต ปญฺจ อวิคเต ตีณิ ฯ

[๑๖] กุสโล เหตุ ธมฺโม กุสลสฺส เหตุสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: กุสโล เหตุ ธมฺโม อกุสลสฺส เหตุสฺส ธมฺมสฺส อารมฺมณปจฺจเยน ปจฺจโย: อุปนิสฺสยปจฺจเยน ปจฺจโย: กุสโล เหตุ ธมฺโม อพฺยากตสฺส เหตุสฺส ธมฺมสฺส อารมฺมณปจฺจเยน ปจฺจโย: อุปนิสฺสยปจฺจเยน ปจฺจโย: ฯ อกุสโล เหตุ ธมฺโม อกุสลสฺส เหตุสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: อกุสโล เหตุ ธมฺโม กุสลสฺส เหตุสฺส ธมฺมสฺส อารมฺมณปจฺจเยน ปจฺจโย: อุปนิสฺสยปจฺจเยน ปจฺจโย: อกุสโล เหตุ ธมฺโม อพฺยากตสฺส เหตุสฺส ธมฺมสฺส อารมฺมณปจฺจเยน ปจฺจโย: อุปนิสฺสยปจฺจเยน ปจฺจโย: ฯ อพฺยากโต เหตุ ธมฺโม อพฺยากตสฺส เหตุสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ตีณิ ฯ

[๑๗] นเหตุยา นว นอารมฺมเณ นว ฯ

[๑๘] เหตุปจฺจยา นอารมฺมเณ ตีณิ ฯ

[๑๙] นเหตุปจฺจยา อารมฺมเณ นว ฯ ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ

[๒๐] กุสลํ นเหตุํ ธมฺมํ ปฏิจฺจ กุสโล นเหตุ ธมฺโม อุปฺปชฺชติ เหตุปจฺจยา: กุสลํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยา: กุสลํ นเหตุํ ธมฺมํ ปฏิจฺจ กุสโล นเหตุ จ อพฺยากโต นเหตุ จ ธมฺมา อุปฺปชฺชนฺติ เหตุปจฺจยา: ฯ อกุสลํ นเหตุํ ธมฺมํ ปฏิจฺจ อกุสโล นเหตุ ธมฺโม อุปฺปชฺชติ เหตุปจฺจยา: อกุสลํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยา: อกุสลํ นเหตุํ ธมฺมํ ปฏิจฺจ อกุสโล นเหตุ จ อพฺยากโต นเหตุ จ ธมฺมา อุปฺปชฺชนฺติ เหตุปจฺจยา: ฯ อพฺยากตํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยา: ฯ กุสลํ นเหตุญฺจ อพฺยากตํ นเหตุญฺจ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยา ฯ อกุสลํ นเหตุญฺจ อพฺยากตํ นเหตุญฺจ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยา: ฯ

[๒๑] กุสลํ นเหตุํ ธมฺมํ ปฏิจฺจ กุสโล นเหตุ ธมฺโม อุปฺปชฺชติ อารมฺมณปจฺจยา: ฯ อกุสลํ นเหตุํ ธมฺมํ ปฏิจฺจ อกุสโล นเหตุ ธมฺโม อุปฺปชฺชติ อารมฺมณปจฺจยา: ฯ อพฺยากตํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ อารมฺมณปจฺจยา: ฯ

[๒๒] เหตุยา นว อารมฺมเณ ตีณิ อธิปติยา นว อนนฺตเร ตีณิ สมนนฺตเร ตีณิ สหชาเต นว อญฺญมญฺเญ ตีณิ นิสฺสเย นว อุปนิสฺสเย ตีณิ ปุเรชาเต ตีณิ ปจฺฉาชาเต ตีณิ อาเสวเน ตีณิ กมฺเม นว วิปาเก เอกํ อาหาเร นว อินฺทฺริเย นว ฌาเน นว มคฺเค นว สมฺปยุตฺเต ตีณิ วิปฺปยุตฺเต นว อตฺถิยา นว นตฺถิยา ตีณิ วิคเต ตีณิ อวิคเต นว ฯ

[๒๓] อพฺยากตํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ นเหตุปจฺจยา: ฯ

[๒๔] กุสลํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ นอารมฺมณปจฺจยา: ฯ อกุสลํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ นอารมฺมณปจฺจยา: ฯ อพฺยากตํ นเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ นอารมฺมณปจฺจยา: ฯ กุสลํ นเหตุญฺจ อพฺยากตํ นเหตุญฺจ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ นอารมฺมณปจฺจยา: ฯ อกุสลํ นเหตุญฺจ อพฺยากตํ นเหตุญฺจ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ นอารมฺมณปจฺจยา: ฯ

[๒๕] นเหตุยา เอกํ นอารมฺมเณ ปญฺจ นอธิปติยา นว นอนนฺตเร ปญฺจ นสมนนฺตเร ปญฺจ นอญฺญมญฺเญ ปญฺจ นอุปนิสฺสเย ปญฺจ นปุเรชาเต สตฺต นปจฺฉาชาเต นว นอาเสวเน นว นกมฺเม ตีณิ นวิปาเก นว นอาหาเร เอกํ นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต ปญฺจ นวิปฺปยุตฺเต ตีณิ โนนตฺถิยา ปญฺจ โนวิคเต ปญฺจ ฯ

[๒๖] เหตุปจฺจยา นอารมฺมเณ ปญฺจ ฯ

[๒๗] นเหตุปจฺจยา อารมฺมเณ เอกํ ฯ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ

[๒๘] กุสโล นเหตุ ธมฺโม กุสลสฺส นเหตุสฺส ธมฺมสฺส อารมฺมณปจฺจเยน ปจฺจโย: กุสโล นเหตุ ธมฺโม อกุสลสฺส นเหตุสฺส ธมฺมสฺส อารมฺมณปจฺจเยน ปจฺจโย: กุสโล นเหตุ ธมฺโม อพฺยากตสฺส นเหตุสฺส ธมฺมสฺส อารมฺมณปจฺจเยน ปจฺจโย: ฯ อกุสโล นเหตุ ธมฺโม อกุสลสฺส นเหตุสฺส ธมฺมสฺส อารมฺมณปจฺจเยน ปจฺจโย: อกุสโล นเหตุ ธมฺโม กุสลสฺส นเหตุสฺส ธมฺมสฺส อารมฺมณปจฺจเยน ปจฺจโย: อกุสโล นเหตุ ธมฺโม อพฺยากตสฺส นเหตุสฺส ธมฺมสฺส อารมฺมณปจฺจเยน ปจฺจโย: ฯ อพฺยากโต นเหตุ ธมฺโม อพฺยากตสฺส นเหตุสฺส ธมฺมสฺสอารมฺมณปจฺจเยน ปจฺจโย: อพฺยากโต นเหตุ ธมฺโม กุสลสฺส นเหตุสฺส ธมฺมสฺส อารมฺมณปจฺจเยน ปจฺจโย: อพฺยากโต นเหตุ ธมฺโม อกุสลสฺส นเหตุสฺส ธมฺมสฺส อารมฺมณปจฺจเยน ปจฺจโย: ฯ

[๒๙] กุสโล นเหตุ ธมฺโม กุสลสฺส นเหตุสฺส ธมฺมสฺส อธิปติปจฺจเยน ปจฺจโย: กุสโล นเหตุ ธมฺโม อกุสลสฺส นเหตุสฺส ธมฺมสฺส อธิปติปจฺจเยน ปจฺจโย: จตฺตาริ ฯ อกุสโล นเหตุ ธมฺโม อกุสลสฺส นเหตุสฺส ธมฺมสฺส อธิปติปจฺจเยน ปจฺจโย: ตีณิ ฯ อพฺยากโต นเหตุ ธมฺโม อพฺยากตสฺส นเหตุสฺส ธมฺมสฺส อธิปติปจฺจเยน ปจฺจโย: อพฺยากโต นเหตุ ธมฺโม กุสลสฺส นเหตุสฺส ธมฺมสฺส อธิปติปจฺจเยน ปจฺจโย: ตีณิ ฯ

[๓๐] กุสโล นเหตุ ธมฺโม กุสลสฺส นเหตุสฺส ธมฺมสฺส อนนฺตรปจฺจเยน ปจฺจโย: กุสโล นเหตุ ธมฺโม อพฺยากตสฺส นเหตุสฺส ธมฺมสฺส อนนฺตรปจฺจเยน ปจฺจโย: ฯ อกุสโล นเหตุ ธมฺโม อกุสลสฺส นเหตุสฺส ธมฺมสฺส อนนฺตรปจฺจเยน ปจฺจโย: อกุสโล นเหตุ ธมฺโม อพฺยากตสฺส นเหตุสฺส ธมฺมสฺส อนนฺตรปจฺจเยน ปจฺจโย: ฯ อพฺยากโต นเหตุ ธมฺโม อพฺยากตสฺส นเหตุสฺส ธมฺมสฺส อนนฺตรปจฺจเยน ปจฺจโย: ตีณิ ฯ

[๓๑] กุสโล นเหตุ ธมฺโม กุสลสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: กุสโล นเหตุ ธมฺโม อกุสลสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: กุสโล นเหตุ ธมฺโม อพฺยากตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย ฯ อกุสโล นเหตุ ธมฺโม อกุสลสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: อกุสโล นเหตุ ธมฺโม กุสลสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: อกุสโล นเหตุ ธมฺโม อพฺยากตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: ฯ อพฺยากโต นเหตุ ธมฺโม อพฺยากตสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: อพฺยากโต นเหตุ ธมฺโม กุสลสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: อพฺยากโต นเหตุ ธมฺโม อกุสลสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: ฯ

[๓๒] อารมฺมเณ นว อธิปติยา ทส อนนฺตเร สตฺต สมนนฺตเร สตฺต สหชาเต นว อญฺญมญฺเญ ตีณิ นิสฺสเย เตรส อุปนิสฺสเย นว ปุเรชาเต ตีณิ ปจฺฉาชาเต ตีณิ อาเสวเน ตีณิ กมฺเม สตฺต วิปาเก เอกํ อาหาเร สตฺต อินฺทฺริเย สตฺต ฌาเน สตฺต มคฺเค สตฺต สมฺปยุตฺเต ตีณิ วิปฺปยุตฺเต ปญฺจ อตฺถิยา เตรส นตฺถิยา สตฺต วิคเต สตฺต อวิคเต เตรส ฯ

[๓๓] นเหตุยา ปณฺณรส นอารมฺมเณ ปณฺณรส ฯ

[๓๔] อารมฺมณปจฺจยา นเหตุยา นว ฯ

[๓๕] นเหตุปจฺจยา อารมฺมเณ นว ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ กุสลตฺติกเหตุทุกํ นิฏฺฐิตํ ฯ ______________ เวทนาตฺติกเหตุทุกํ