ทัสสนัตติกเหตุทุกะ

[๑๗๐] ทสฺสเนนปหาตพฺพํ เหตุํ ธมฺมํ ปฏิจฺจ ทสฺสเนนปหาตพฺโพ เหตุ ธมฺโม อุปฺปชฺชติ เหตุปจฺจยา: ฯ ภาวนายปหาตพฺพํ เหตุํ ธมฺมํ ปฏิจฺจ ภาวนายปหาตพฺโพ เหตุ ธมฺโม อุปฺปชฺชติ เหตุปจฺจยา: ฯ เนวทสฺสเนนนภาวนายปหาตพฺพํ เหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ เหตุ ธมฺโม อุปฺปชฺชติ เหตุปจฺจยา: ฯ

[๑๗๑] เหตุยา ตีณิ สพฺพตฺถ ตีณิ วิปาเก เอกํ อวิคเต ตีณิ ฯ

[๑๗๒] นอธิปติยา ตีณิ นปุเรชาเต ตีณิ นวิปฺปยุตฺเต ตีณิ ฯ สหชาตวาโรปิ สมฺปยุตฺตวาโรปิ วิตฺถาเรตพฺพา ฯ

[๑๗๓] ทสฺสเนนปหาตพฺโพ เหตุ ธมฺโม ทสฺสเนนปหาตพฺพสฺส เหตุสฺส ธมฺมสฺส เหตุปจฺจเยน ปจฺจโย: ตีณิ ฯ

[๑๗๔] ทสฺสเนนปหาตพฺโพ เหตุ ธมฺโม ทสฺสเนนปหาตพฺพสฺส เหตุสฺส ธมฺมสฺส อารมฺมณปจฺจเยน ปจฺจโย: ฯ

[๑๗๕] เหตุยา ตีณิ อารมฺมเณ อฏฺฐ อธิปติยา ฉ อนนฺตเร ปญฺจ สมนนฺตเร ปญฺจ สหชาเต ตีณิ อญฺญมญฺเญ ตีณิ นิสฺสเย ตีณิ อุปนิสฺสเย อฏฺฐ อาเสวเน ตีณิ วิปาเก เอกํ อินฺทฺริเย เอกํ มคฺเค เอกํ อวิคเต ตีณิ ฯ

[๑๗๖] นเหตุยา อฏฺฐ นอารมฺมเณ อฏฺฐ ฯ

[๑๗๗] เหตุปจฺจยา นอารมฺมเณ ตีณิ ฯ

[๑๗๘] นเหตุปจฺจยา อารมฺมเณ อฏฺฐ ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

[๑๗๙] ทสฺสเนนปหาตพฺพํ นเหตุํ ธมฺมํ ปฏิจฺจ ทสฺสเนนปหาตพฺโพ นเหตุ ธมฺโม อุปฺปชฺชติ เหตุปจฺจยา: ทสฺสเนนปหาตพฺพํ นเหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ เหตุปจฺจยา: ทสฺสเนนปหาตพฺพํ นเหตุํ ธมฺมํ ปฏิจฺจ ทสฺสเนนปหาตพฺโพ นเหตุ จ เนวทสฺสเนนนภาวนายปหาตพฺโพ นเหตุ จ ธมฺมา อุปฺปชฺชนฺติ เหตุปจฺจยา: ฯ ภาวนายปหาตพฺพํ นเหตุํ ธมฺมํ ปฏิจฺจ ภาวนายปหาตพฺโพ นเหตุ ธมฺโม อุปฺปชฺชติ เหตุปจฺจยา: ภาวนายปหาตพฺพํ นเหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ เหตุปจฺจยา: ภาวนายปหาตพฺพํ นเหตุํ ธมฺมํ ปฏิจฺจ ภาวนายปหาตพฺโพ นเหตุ จ เนวทสฺสเนนนภาวนายปหาตพฺโพ นเหตุ จ ธมฺมา อุปฺปชฺชนฺติ เหตุปจฺจยา: ฯ เนวทสฺสเนนนภาวนายปหาตพฺพํ ตพฺพํ นเหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ เหตุปจฺจยา: ฯ ทสฺสเนนปหาตพฺพํ นเหตุญฺจ เนวทสฺสเนนนภาวนายปหาตพฺพํ นเหตุญฺจ ธมฺมํ ปฏิจฺจ เนวทสฺสเนน- นภาวนายปหาตพฺโพ นเหตุ ธมฺโม อุปฺปชฺชติ เหตุปจฺจยา: ฯ ภาวนายปหาตพฺพํ นเหตุญฺจ เนวทสฺสเนนนภาวนายปหาตพฺพํ นเหตุญฺจ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ เหตุปจฺจยา: ฯ

[๑๘๐] ทสฺสเนนปหาตพฺพํ นเหตุํ ธมฺมํ ปฏิจฺจ ทสฺสเนนปหาตพฺโพ นเหตุ ธมฺโม อุปฺปชฺชติ อารมฺมณปจฺจยา: ฯ ภาวนายปหาตพฺพํ นเหตุํ ธมฺมํ ปฏิจฺจ ภาวนายปหาตพฺโพ นเหตุ ธมฺโม อุปฺปชฺชติ อารมฺมณปจฺจยา: ฯ เนวทสฺสเนนนภาวนายปหาตพฺพํ นเหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ อารมฺมณปจฺจยา: ฯ

[๑๘๑] เหตุยา นว อารมฺมเณ ตีณิ อธิปติยา นว อวิคเต นว ฯ

[๑๘๒] เนวทสฺสเนนนภาวนายปหาตพฺพํ นเหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ นเหตุปจฺจยา: ฯ

[๑๘๓] ทสฺสเนนปหาตพฺพํ นเหตุํ ธมฺมํ ปฏิจฺจ เนวทสฺสเนน- นภาวนายปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา: ฯ ภาวนายปหาตพฺพํ นเหตุํ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา: ฯ เนวทสฺสเนนนภาวนายปหาตพฺพํ นเหตุํ ธมฺมํ ปฏิจฺจ เนวทสฺสเนนนภาวนาย- ปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา: ฯ ทสฺสเนนปหาตพฺพํ นเหตุญฺจ เนวทสฺสเนนนภาวนายปหาตพฺพํ นเหตุญฺจ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ นอารมฺมณปจฺจยา: ฯ ภาวนายปหาตพฺพํ นเหตุญฺจ เนวทสฺสเนนนภาวนายปหาตพฺพํ นเหตุญฺจ ธมฺมํ ปฏิจฺจ เนวทสฺสเนนนภาวนายปหาตพฺโพ นเหตุ ธมฺโม อุปฺปชฺชติ นอารมฺมณ- ปจฺจยา: ฯ

[๑๘๔] นเหตุยา เอกํ นอารมฺมเณ ปญฺจ นอธิปติยา นว โนวิคเต ปญฺจ ฯ

[๑๘๕] เหตุปจฺจยา นอารมฺมเณ ปญฺจ ฯ

[๑๘๖] นเหตุปจฺจยา อารมฺมเณ เอกํ ฯ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ

[๑๘๗] ทสฺสเนนปหาตพฺโพ นเหตุ ธมฺโม ทสฺสเนนปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย: ทสฺสเนนปหาตพฺโพ นเหตุ ธมฺโม เนวทสฺสเนนนภาวนายปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย: เทฺว ฯ ภาวนายปหาตพฺโพ นเหตุ ธมฺโม ภาวนายปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย: ตีณิ ฯ เนวทสฺสเนนนภาวนายปหาตพฺโพ นเหตุ ธมฺโม เนวทสฺสเนนนภาวนายปหาตพฺพสฺส นเหตุสฺส ธมฺมสฺส อารมฺมณปจฺจเยน ปจฺจโย: ตีณิ ฯ

[๑๘๘] อารมฺมเณ อฏฺฐ อธิปติยา ทส อวิคเต เตรส ฯ

[๑๘๙] นเหตุยา จุทฺทส นอารมฺมเณ จุทฺทส ฯ

[๑๙๐] อารมฺมณปจฺจยา นเหตุยา อฏฺฐ ฯ

[๑๙๑] นเหตุปจฺจยา อารมฺมเณ อฏฺฐ ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ ทสฺสนตฺติกเหตุทุกํ นิฏฺฐิตํ ฯ ______________ ทสฺสเนนปหาตพฺพเหตุกตฺติกเหตุทุกํ