กุสลัตติกอาสวสัมปยุตตทุกะ

[๖๕๑] อกุสลํ อาสวสมฺปยุตฺตํ ธมฺมํ ปฏิจฺจ อกุสโล อาสวสมฺปยุตฺโต ธมฺโม อุปฺปชฺชติ เหตุปจฺจยา: ฯ

[๖๕๒] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ สมฺปยุตฺตวาเรปิ ปญฺหาวาเรปิ สพฺพตฺถ เอกํ ฯ

[๖๕๓] กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต ธมฺโม อุปฺปชฺชติ เหตุปจฺจยา: กุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: กุสลํ อาสววิปฺปยุตฺตํ ธมฺมํ ปฏิจฺจ กุสโล อาสววิปฺปยุตฺโต จ อพฺยากโต อาสววิปฺปยุตฺโต จ ธมฺมา อุปฺปชฺชนฺติ เหตุปจฺจยา: ฯ อกุสลํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: ฯ อพฺยากตํ อาสววิปฺปยุตฺตํ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: ฯ กุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: ฯ อกุสลํ อาสววิปฺปยุตฺตญฺจ อพฺยากตํ อาสววิปฺปยุตฺตญฺจ ธมฺมํ ปฏิจฺจ อพฺยากโต อาสววิปฺปยุตฺโต ธมฺโม อุปฺปชฺชติ เหตุปจฺจยา: ฯ

[๖๕๔] เหตุยา สตฺต อารมฺมเณ เทฺว อธิปติยา สตฺต อวิคเต สตฺต ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๖๕๕] กุสโล อาสววิปฺปยุตฺโต ธมฺโม กุสลสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล อาสววิปฺปยุตฺโต ธมฺโม อพฺยากตสฺส อาสววิปยุตฺตสฺส ธมฺมสฺส เหตุปจฺจเยน ปจฺจโย: ฯ อพฺยากโต อาสววิปฺปยุตฺโต ธมฺโม อพฺยากตสฺส อาสววิปฺปยุตฺตสฺส ธมฺมสฺส เหตุปจฺจเยน ปจฺจโย: ฯ

[๖๕๖] เหตุยา ปญฺจ อารมฺมเณ นว อธิปติยา ปญฺจ อวิคเต เตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกอาสวสมฺปยุตฺตทุกํ นิฏฺฐิตํ ฯ _________ กุสลตฺติกอาสวสาสวทุกํ