กุสลัตติกสารัมมณทุกะ

Kusalaṃ sārammaṇaṃ dhammaṃ paṭicca kusalo sārammaṇo dhammo uppajjati hetupaccayā: . akusalaṃ sārammaṇaṃ dhammaṃ paṭicca akusalo sārammaṇo dhammo uppajjati hetupaccayā: . abyākataṃ sārammaṇaṃ dhammaṃ paṭicca abyākato sārammaṇo dhammo uppajjati hetupaccayā:.

Hetuyā tīṇi ārammaṇe tīṇi avigate tīṇi. Sahajātavāropi sampayuttavāropi paṭiccavārasadisā.

Kusalo sārammaṇo dhammo kusalassa sārammaṇassa dhammassa hetupaccayena paccayo: . akusalo sārammaṇo dhammo akusalassa sārammaṇassa dhammassa hetupaccayena paccayo: . Abyākato sārammaṇo dhammo abyākatassa sārammaṇassa dhammassa hetupaccayena paccayo:.

Kusalo sārammaṇo dhammo kusalassa sārammaṇassa dhammassa ārammaṇapaccayena paccayo:.

Hetuyā tīṇi ārammaṇe nava adhipatiyā satta avigate tīṇi. Yathā kusalattike pañhāvārampi evaṃ vitthāretabbaṃ.

Abyākataṃ anārammaṇaṃ dhammaṃ paṭicca abyākato anārammaṇo dhammo uppajjati hetupaccayā:.

Hetuyā ekaṃ avigate ekaṃ.

Nahetuyā ekaṃ. Sahajātavāropi sampayuttavāropi paṭiccavārasadisā.

Abyākato anārammaṇo dhammo abyākatassa anārammaṇassa dhammassa sahajātapaccayena paccayo: ... Aññamaññapaccayena paccayo: nissayapaccayena paccayo: āhārapaccayena paccayo: indriyapaccayena paccayo: atthipaccayena paccayo: avigatapaccayena paccayo: . sabbattha ekaṃ. Kusalattikasārammaṇadukaṃ niṭṭhitaṃ. ---------