กุสลัตติกเจตสิกทุกะ

[๖๙๖] กุสลํ เจตสิกํ ธมฺมํ ปฏิจฺจ กุสโล เจตสิโก ธมฺโม อุปฺปชฺชติ เหตุปจฺจยา: ฯ อกุสลํ เจตสิกํ ธมฺมํ ปฏิจฺจ อกุสโล เจตสิโก ธมฺโม อุปฺปชฺชติ เหตุปจฺจยา: ฯ อพฺยากตํ เจตสิกํ ธมฺมํ ปฏิจฺจ อพฺยากโต เจตสิโก ธมฺโม อุปฺปชฺชติ เหตุปจฺจยา: ฯ

[๖๙๗] เหตุยา ตีณิ อารมฺมเณ ตีณิ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๖๙๘] กุสโล เจตสิโก ธมฺโม กุสลสฺส เจตสิกสฺส ธมฺมสฺส เหตุปจฺจเยน ปจฺจโย: ฯ อกุสโล เจตสิโก ธมฺโม อกุสลสฺส เจตสิกสฺส ธมฺมสฺส เหตุปจฺจเยน ปจฺจโย: ฯ อพฺยากโต เจตสิโก ธมฺโม อพฺยากตสฺส เจตสิกสฺส ธมฺมสฺส เหตุปจฺจเยน ปจฺจโย: ฯ

[๖๙๙] กุสโล เจตสิโก ธมฺโม กุสลสฺส เจตสิกสฺส ธมฺมสฺส อารมฺมณปจฺจเยน ปจฺจโย: ตีณิ ฯ อกุสโล เจตสิโก ธมฺโม อกุสลสฺส เจตสิกสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต เจตสิโก ธมฺโม อพฺยากตสฺส เจตสิกสฺส ธมฺมสฺส อารมฺมณปจฺจเยน ปจฺจโย: ตีณิ ฯ

[๗๐๐] เหตุยา ตีณิ อารมฺมเณ นว อธิปติยา สตฺต อวิคเต ตีณิ ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

[๗๐๑] กุสลํ อเจตสิกํ ธมฺมํ ปฏิจฺจ อพฺยากโต อเจตสิโก ธมฺโม อุปฺปชฺชติ เหตุปจฺจยา: ฯ

[๗๐๒] เหตุยา ปญฺจ อารมฺมเณ เอกํ อวิคเต ปญฺจ ฯ

[๗๐๓] นเหตุยา เอกํ ฯ สหชาตวาโรปิ ปญฺหาวาโรปิ เอวํ วิตฺถาเรตพฺพา ฯ กุสลตฺติกเจตสิกทุกํ นิฏฺฐิตํ ฯ _________ กุสลตฺติกจิตฺตสมฺปยุตฺตาทิอฏฺฐทุกํ