กุสลัตติกสังกิลิฏฐทุกะ

[๗๔๔] อกุสลํ สงฺกิลิฏฺฐํ ธมฺมํ ปฏิจฺจ อกุสโล สงฺกิลิฏฺโฐ ธมฺโม อุปฺปชฺชติ เหตุปจฺจยา: ฯ

[๗๔๕] เหตุยา เอกํ อารมฺมเณ เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

[๗๔๖] กุสลํ อสงฺกิลิฏฺฐํ ธมฺมํ ปฏิจฺจ กุสโล อสงฺกิลิฏฺโฐ ธมฺโม อุปฺปชฺชติ เหตุปจฺจยา: กุสลํ อสงฺกิลิฏฺฐํ ธมฺมํ ปฏิจฺจ อพฺยากโต อสงฺกิลิฏฺโฐ ธมฺโม อุปฺปชฺชติ เหตุปจฺจยา: กุสลํ อสงฺกิลิฏฺฐํ ธมฺมํ ปฏิจฺจ กุสโล อสงฺกิลิฏฺโฐ จ อพฺยากโต อสงฺกิลิฏฺโฐ จ ธมฺมา อุปฺปชฺชนฺติ เหตุปจฺจยา: ฯ อพฺยากตํ อสงฺกิลิฏฺฐํ ธมฺมํ ปฏิจฺจ อพฺยากโต อสงฺกิลิฏฺโฐ ธมฺโม อุปฺปชฺชติ เหตุปจฺจยา: เทฺว ฯ

[๗๔๗] กุสลํ อสงฺกิลิฏฺฐํ ธมฺมํ ปฏิจฺจ กุสโล อสงฺกิลิฏฺโฐ ธมฺโม อุปฺปชฺชติ อารมฺมณปจฺจยา: ฯ อพฺยากตํ อสงฺกิลิฏฺฐํ ธมฺมํ ปฏิจฺจ อพฺยากโต อสงฺกิลิฏฺโฐ ธมฺโม อุปฺปชฺชติ อารมฺมณปจฺจยา: ฯ

[๗๔๘] เหตุยา ปญฺจ อารมฺมเณ เทฺว อธิปติยา ปญฺจ อวิคเต ปญฺจ ฯ สหชาตวาโรปิ สมฺปยุตฺวาโรปิ ปฏิจฺจวารสทิสา ฯ

[๗๔๙] กุสโล อสงฺกิลิฏฺโฐ ธมฺโม กุสลสฺส อสงฺกิลิฏฺฐสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต อสงฺกิลิฏฺโฐ ธมฺโม อพฺยากตสฺส อสงฺกิลิฏฺฐสฺส ธมฺมสฺส เหตุปจฺจเยน ปจฺจโย: ฯ

[๗๕๐] กุสโล อสงฺกิลิฏฺโฐ ธมฺโม กุสลสฺส อสงฺกิลิฏฺฐสฺส ธมฺมสฺส อารมฺมณปจฺจเยน ปจฺจโย: เทฺว ฯ อพฺยากโต อสงฺกิลิฏฺโฐ ธมฺโม อพฺยากตสฺส อสงฺกิลิฏฺฐสฺส ธมฺมสฺส อารมฺมณปจฺจเยน ปจฺจโย: เทฺว ฯ

[๗๕๑] เหตุยา จตฺตาริ อารมฺมเณ จตฺตาริ อธิปติยา ปญฺจ อนนฺตเร จตฺตาริ อุปนิสฺสเย จตฺตาริ อวิคเต สตฺต ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกสงฺกิลิฏฺฐทุกํ นิฏฺฐิตํ ฯ _________ กุสลตฺติกกิเลสสมฺปยุตฺตทุกํ